Ibn Abbos (roziyallohu anhumo)dan Allohning: {Biror oyatni bekor qilsak yoki uni (dillardan) unuttirsak, undan koʻra yaxshiroq yoki oʻshasiga oʻxshash (oyat) keltiramiz} degan soʻzi haqida rivoyat qilinadi. Va: {Bir oyatni boshqa oyat oʻrniga almashtirsak — Alloh nima nozil qilishini yaxshi bilguvchidir} dedi. Va: {Alloh xohlagan narsasini oʻchiradi va (xohlaganini) sobit qoldiradi. Kitobning asli (Lavhul mahfuz) Uning huzuridadir} dedi. Qurʼonda birinchi bekor qilingan narsa qibla edi. Va: {Taloq qilingan ayollar uch hayz muddaticha oʻzlarini kutib tursinlar. Ular uchun Alloh bachadonlarida yaratgan narsani yashirishlari halol emas} degan oyatdan {agar (ular) yarashuvni istasalar} degan soʻzigacha (oʻqidi). Bu shundan ediki, kishi xotinini taloq qilsa, uni qaytarib olishga koʻproq haqli edi, garchi uni uch (marta) taloq qilgan boʻlsa ham. Soʻng bu bekor qilindi va: {Taloq ikki martadir. Soʻng (xotinni) yaxshilik bilan ushlab qolish yoki chiroyli suratda qoʻyib yuborishdir} dedi.Ибн Аббос (розияллоҳу анҳумо)дан Аллоҳнинг: {Бирор оятни бекор қилсак ёки уни (диллардан) унуттирсак, ундан кўра яхшироқ ёки ўшасига ўхшаш (оят) келтирамиз} деган сўзи ҳақида ривоят қилинади. Ва: {Бир оятни бошқа оят ўрнига алмаштирсак — Аллоҳ нима нозил қилишини яхши билгувчидир} деди. Ва: {Аллоҳ хоҳлаган нарсасини ўчиради ва (хоҳлаганини) собит қолдиради. Китобнинг асли (Лавҳул маҳфуз) Унинг ҳузуридадир} деди. Қуръонда биринчи бекор қилинган нарса қибла эди. Ва: {Талоқ қилинган аёллар уч ҳайз муддатича ўзларини кутиб турсинлар. Улар учун Аллоҳ бачадонларида яратган нарсани яширишлари ҳалол эмас} деган оятдан {агар (улар) ярашувни истасалар} деган сўзигача (ўқиди). Бу шундан эдики, киши хотинини талоқ қилса, уни қайтариб олишга кўпроқ ҳақли эди, гарчи уни уч (марта) талоқ қилган бўлса ҳам. Сўнг бу бекор қилинди ва: {Талоқ икки мартадир. Сўнг (хотинни) яхшилик билан ушлаб қолиш ёки чиройли суратда қўйиб юборишдир} деди.