Xolid ibn Yazid al-Juhaniy (rahimahulloh) aytadi: Uqba ibn Omir (roziyallohu anhu) mening oldimdan oʻtar va: «Ey Xolid, yur, oʻq otgani chiqamiz», derdi. Bir kuni men undan kechikdim, shunda u: «Ey Xolid, kel, senga Rasululloh ﷺ aytgan narsani xabar beraman», dedi. Men uning oldiga keldim, u dediki, Rasululloh ﷺ: «Albatta, Alloh bitta oʻq sababli uch kishini jannatga kiritadi: uni yasashda yaxshilikni niyat qilib yasagan kishini, u bilan otguvchini va uni uzatib turguvchini. Oʻq otinglar va otga mininglar, oʻq otishingiz menga otga minishingizdan koʻra sevimliroqdir. Uch narsadan boshqasida ermak yoʻqdir: kishining otini oʻrgatishida, ahliga suykalishida va yoyu oʻqi bilan oʻq otishida. Kim oʻq otishni bilganidan soʻng undan bezib tark etsa, bu neʼmatga kufr keltirgan boʻladi» — yoki: «uni inkor qilgan boʻladi», dedilar.Холид ибн Язид ал-Жуҳаний (раҳимаҳуллоҳ) айтади: Уқба ибн Омир (розияллоҳу анҳу) менинг олдимдан ўтар ва: «Эй Холид, юр, ўқ отгани чиқамиз», дерди. Бир куни мен ундан кечикдим, шунда у: «Эй Холид, кел, сенга Расулуллоҳ ﷺ айтган нарсани хабар бераман», деди. Мен унинг олдига келдим, у дедики, Расулуллоҳ ﷺ: «Албатта, Аллоҳ битта ўқ сабабли уч кишини жаннатга киритади: уни ясашда яхшиликни ният қилиб ясаган кишини, у билан отгувчини ва уни узатиб тургувчини. Ўқ отинглар ва отга мининглар, ўқ отишингиз менга отга минишингиздан кўра севимлироқдир. Уч нарсадан бошқасида эрмак йўқдир: кишининг отини ўргатишида, аҳлига суйкалишида ва ёю ўқи билан ўқ отишида. Ким ўқ отишни билганидан сўнг ундан безиб тарк этса, бу неъматга куфр келтирган бўлади» — ёки: «уни инкор қилган бўлади», дедилар.