Adiy ibn Hotim (roziyallohu anhu)dan rivoyat qilinadi: Men Rasululloh ﷺdan meʼroz bilan ov qilish haqida soʻradim. Shunda u zot: «Uning oʻtkir uchi bilan tekkanini yeyaver, koʻndalangi bilan tekkani esa urib oʻldirilgan (haromdir)», dedilar. Yana undan ov iti haqida soʻradim. U zot: «Itingni qoʻyib yuborsang va uning ustiga Alloh nomini zikr qilsang, yeyaver», dedilar. Men: «U oʻldirsa ham-a?», dedim. U zot: «U oʻldirsa ham. Ammo undan yegan boʻlsa, yema. Agar u bilan birga oʻz itingdan boshqa itni topsang-u, u (ovni) oʻldirgan boʻlsa, yema, chunki sen faqat oʻz iting ustiga aziz va jalil Allohning nomini zikr qilgansan, boshqasi ustiga zikr qilmagansan», dedilar.Адий ибн Ҳотим (розияллоҳу анҳу)дан ривоят қилинади: Мен Расулуллоҳ ﷺдан меъроз билан ов қилиш ҳақида сўрадим. Шунда у зот: «Унинг ўткир учи билан текканини еявер, кўндаланги билан теккани эса уриб ўлдирилган (ҳаромдир)», дедилар. Яна ундан ов ити ҳақида сўрадим. У зот: «Итингни қўйиб юборсанг ва унинг устига Аллоҳ номини зикр қилсанг, еявер», дедилар. Мен: «У ўлдирса ҳам-а?», дедим. У зот: «У ўлдирса ҳам. Аммо ундан еган бўлса, ема. Агар у билан бирга ўз итингдан бошқа итни топсанг-у, у (овни) ўлдирган бўлса, ема, чунки сен фақат ўз итинг устига азиз ва жалил Аллоҳнинг номини зикр қилгансан, бошқаси устига зикр қилмагансан», дедилар.