Nabiy ﷺning zavjalari Maymuna (roziyallohu anho)dan rivoyat qilinadi: Rasululloh ﷺ bir kuni gʻamgin holda tongni qarshi oldilar. Shunda Maymuna u zotga: «Ey Rasululloh, bugun sizning holatingizni notanish holda koʻryapman», dedi. U zot: «Albatta, Jibril alayhissalom bu kecha men bilan uchrashishni vaʼda qilgan edi, ammo men bilan uchrashmadi. Ollohga qasamki, u menga vaʼdasini buzmagan edi», dedilar. Roviy aytadi: U zot kunini shu holda oʻtkazdilar. Soʻng u zotning xayollariga bizning bir jihozimiz ostidagi kuchukvachcha keldi. U zot uni chiqarishga buyurdilar, bas u chiqarildi. Soʻng qoʻllariga suv olib, uning oʻrniga sepdilar. Kech kirganida Jibril alayhissalom u zot bilan uchrashdi. Rasululloh ﷺ unga: «Sen kecha men bilan uchrashishni vaʼda qilgan eding», dedilar. U: «Ha, lekin biz ichida it yoki surat boʻlgan uyga kirmaymiz», dedi. Roviy aytadi: Rasululloh ﷺ oʻsha kundan boshlab tongni qarshi olib, itlarni oʻldirishga buyurdilar.Набий ﷺнинг завжалари Маймуна (розияллоҳу анҳо)дан ривоят қилинади: Расулуллоҳ ﷺ бир куни ғамгин ҳолда тонгни қарши олдилар. Шунда Маймуна у зотга: «Эй Расулуллоҳ, бугун сизнинг ҳолатингизни нотаниш ҳолда кўряпман», деди. У зот: «Албатта, Жибрил алайҳиссалом бу кеча мен билан учрашишни ваъда қилган эди, аммо мен билан учрашмади. Оллоҳга қасамки, у менга ваъдасини бузмаган эди», дедилар. Ровий айтади: У зот кунини шу ҳолда ўтказдилар. Сўнг у зотнинг хаёлларига бизнинг бир жиҳозимиз остидаги кучуквачча келди. У зот уни чиқаришга буюрдилар, бас у чиқарилди. Сўнг қўлларига сув олиб, унинг ўрнига сепдилар. Кеч кирганида Жибрил алайҳиссалом у зот билан учрашди. Расулуллоҳ ﷺ унга: «Сен кеча мен билан учрашишни ваъда қилган эдинг», дедилар. У: «Ҳа, лекин биз ичида ит ёки сурат бўлган уйга кирмаймиз», деди. Ровий айтади: Расулуллоҳ ﷺ ўша кундан бошлаб тонгни қарши олиб, итларни ўлдиришга буюрдилар.