أَخْبَرَنَا مُحَمَّدُ بْنُ سَلَمَةَ قَالَ حَدَّثَنَا ابْنُ الْقَاسِمِ عَنْ مَالِكٍ قَالَ حَدَّثَنِي أَبُو سُهَيْلٍ عَنْ أَبِيهِ أَنَّهُ سَمِعَ طَلْحَةَ بْنَ عُبَيْدِ اللَّهِ يَقُولُ جَاءَ رَجُلٌ إِلَى رَسُولِ اللَّهِ صَلَّى اللَّهُ عَلَيْهِ وَسَلَّمَ مِنْ أَهْلِ نَجْدٍ ثَائِرَ الرَّأْسِ يُسْمَعُ دَوِيُّ صَوْتِهِ وَلَا يُفْهَمُ مَا يَقُولُ حَتَّى دَنَا فَإِذَا هُوَ يَسْأَلُ عَنْ الْإِسْلَامِ قَالَ لَهُ رَسُولُ اللَّهِ صَلَّى اللَّهُ عَلَيْهِ وَسَلَّمَ خَمْسُ صَلَوَاتٍ فِي الْيَوْمِ وَاللَّيْلَةِ قَالَ هَلْ عَلَيَّ غَيْرُهُنَّ قَالَ لَا إِلَّا أَنْ تَطَوَّعَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ وَصِيَامُ شَهْرِ رَمَضَانَ قَالَ هَلْ عَلَيَّ غَيْرُهُ قَالَ لَا إِلَّا أَنْ تَطَوَّعَ وَذَكَرَ لَهُ رَسُولُ اللَّهِ صَلَّى اللَّهُ عَلَيْهِ وَسَلَّمَ الزَّكَاةَ فَقَالَ هَلْ عَلَيَّ غَيْرُهَا قَالَ لَا إِلَّا أَنْ تَطَوَّعَ فَأَدْبَرَ الرَّجُلُ وَهُوَ يَقُولُ لَا أَزِيدُ عَلَى هَذَا وَلَا أَنْقُصُ مِنْهُ فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ أَفْلَحَ إِنْ صَدَقَ
Talha ibn Ubaydulloh (roziyallohu anhu)dan rivoyat qilinadi: Rasululloh ﷺ huzurlariga Najd ahlidan sochlari toʻzigan bir kishi keldi. Uning ovozi gʻoʻldiragani eshitilar, ammo nima deyayotgani anglashilmas edi. Nihoyat yaqin kelgach, u Islom haqida soʻrayotgani maʼlum boʻldi. Rasululloh ﷺ unga: «Kunu tunda besh vaqt namoz», dedilar. U: «Menga bulardan boshqasi ham (farz) boʻldimi?» dedi. U zot: «Yoʻq, magar nafl qilsang (boshqa gap)», dedilar. Rasululloh ﷺ: «Va Ramazon oyi roʻzasi», dedilar. U: «Menga bundan boshqasi ham (farz) boʻldimi?» dedi. U zot: «Yoʻq, magar nafl qilsang (boshqa gap)», dedilar. Rasululloh ﷺ unga zakotni ham zikr qildilar. U: «Menga bundan boshqasi ham (farz) boʻldimi?» dedi. U zot: «Yoʻq, magar nafl qilsang (boshqa gap)», dedilar. Soʻng u kishi: «Bunga ziyoda ham qilmayman, bundan kamaytirmayman ham», deb ortiga qaytdi. Shunda Rasululloh ﷺ: «Agar rost soʻzlagan boʻlsa, najot topdi», dedilar.Талҳа ибн Убайдуллоҳ (розияллоҳу анҳу)дан ривоят қилинади: Расулуллоҳ ﷺ ҳузурларига Нажд аҳлидан сочлари тўзиган бир киши келди. Унинг овози ғўлдирагани эшитилар, аммо нима деяётгани англашилмас эди. Ниҳоят яқин келгач, у Ислом ҳақида сўраётгани маълум бўлди. Расулуллоҳ ﷺ унга: «Куну тунда беш вақт намоз», дедилар. У: «Менга булардан бошқаси ҳам (фарз) бўлдими?» деди. У зот: «Йўқ, магар нафл қилсанг (бошқа гап)», дедилар. Расулуллоҳ ﷺ: «Ва Рамазон ойи рўзаси», дедилар. У: «Менга бундан бошқаси ҳам (фарз) бўлдими?» деди. У зот: «Йўқ, магар нафл қилсанг (бошқа гап)», дедилар. Расулуллоҳ ﷺ унга закотни ҳам зикр қилдилар. У: «Менга бундан бошқаси ҳам (фарз) бўлдими?» деди. У зот: «Йўқ, магар нафл қилсанг (бошқа гап)», дедилар. Сўнг у киши: «Бунга зиёда ҳам қилмайман, бундан камайтирмайман ҳам», деб ортига қайтди. Шунда Расулуллоҳ ﷺ: «Агар рост сўзлаган бўлса, нажот топди», дедилар.