Savbon (roziyallohu anhu)dan rivoyat qilinadi: Hubayraning qizi Rasululloh ﷺ huzurlariga keldi, qoʻlida yirik uzuklar bor edi. Rasululloh ﷺ uning qoʻliga ura boshladilar. U ayol Rasululloh ﷺ ning qizi Fotima huzuriga kirib, Rasululloh ﷺ oʻziga qilgan ishdan shikoyat qildi. Shunda Fotima boʻynidagi oltindan boʻlgan zanjirni yechib: «Buni menga Abul Hasan (Ali) hadya qilgan edi», dedi. Rasululloh ﷺ kirib keldilar, zanjir esa uning qoʻlida edi. U zot: «Ey Fotima! Odamlar ‹Rasulullohning qizi, qoʻlida oʻtdan zanjir bor› deyishlari seni sevintirurmi?», dedilar. Soʻng oʻtirmasdanoq chiqib ketdilar. Fotima zanjirni bozorga yubordi, uni sotib, puliga bir gʻulom xarid qildi va uni ozod qildi. Bu haqda u zotga xabar berilganda: «Fotimani oʻtdan qutqargan Allohga hamd boʻlsin», dedilar.Савбон (розияллоҳу анҳу)дан ривоят қилинади: Ҳубайранинг қизи Расулуллоҳ ﷺ ҳузурларига келди, қўлида йирик узуклар бор эди. Расулуллоҳ ﷺ унинг қўлига ура бошладилар. У аёл Расулуллоҳ ﷺ нинг қизи Фотима ҳузурига кириб, Расулуллоҳ ﷺ ўзига қилган ишдан шикоят қилди. Шунда Фотима бўйнидаги олтиндан бўлган занжирни ечиб: «Буни менга Абул Ҳасан (Али) ҳадя қилган эди», деди. Расулуллоҳ ﷺ кириб келдилар, занжир эса унинг қўлида эди. У зот: «Эй Фотима! Одамлар ‹Расулуллоҳнинг қизи, қўлида ўтдан занжир бор› дейишлари сени севинтирурми?», дедилар. Сўнг ўтирмасданоқ чиқиб кетдилар. Фотима занжирни бозорга юборди, уни сотиб, пулига бир ғулом харид қилди ва уни озод қилди. Бу ҳақда у зотга хабар берилганда: «Фотимани ўтдан қутқарган Аллоҳга ҳамд бўлсин», дедилар.