Burayda (roziyallohu anhu)dan rivoyat qilinadi: Rasululloh ﷺ yoʻlda ketayotgan edilar, bir qavmning oldiga tushdilar va ularning shovqin-suronini eshitib: «Bu ovoz nima?» deb soʻradilar. Ular: «Ey Allohning Nabiysi, ularning ichadigan ichimligi bor», dedilar. Shunda u zot odamlarga kishi yuborib, ularni chaqirtirdilar va: «Nimada taxirlab tayyorlaysizlar?» deb soʻradilar. Ular: «Biz oʻyilgan yogʻoch idishlarda va qovoq idishlarda taxirlaymiz, bizda (ogʻzi bogʻlanadigan) idishlar yoʻq», dedilar. U zot: «Faqat ogʻzini bogʻlagan idishingizdagini ichinglar», dedilar. (Roviy) aytdi: Alloh xohlagancha muddat oʻtdi, soʻng u zot yana ularning oldiga qaytdilar. Qarasalar, ularga vabo yetgan va rangi sargʻayib qolgan edi. U zot: «Sizlarga nima boʻlibdi, halok boʻlgan holingizni koʻrayapman?» dedilar. Ular: «Ey Allohning Nabiysi, bizning yerimiz vabo tarqaladigan yer, siz esa faqat ogʻzini bogʻlaganimizdagidan boshqasini bizga harom qilgan edingiz», dedilar. U zot: «Ichaveringlar, biroq har qanday mast qiluvchi ichimlik haromdir», dedilar.Бурайда (розияллоҳу анҳу)дан ривоят қилинади: Расулуллоҳ ﷺ йўлда кетаётган эдилар, бир қавмнинг олдига тушдилар ва уларнинг шовқин-суронини эшитиб: «Бу овоз нима?» деб сўрадилар. Улар: «Эй Аллоҳнинг Набийси, уларнинг ичадиган ичимлиги бор», дедилар. Шунда у зот одамларга киши юбориб, уларни чақиртирдилар ва: «Нимада тахирлаб тайёрлайсизлар?» деб сўрадилар. Улар: «Биз ўйилган ёғоч идишларда ва қовоқ идишларда тахирлаймиз, бизда (оғзи боғланадиган) идишлар йўқ», дедилар. У зот: «Фақат оғзини боғлаган идишингиздагини ичинглар», дедилар. (Ровий) айтди: Аллоҳ хоҳлаганча муддат ўтди, сўнг у зот яна уларнинг олдига қайтдилар. Қарасалар, уларга вабо етган ва ранги сарғайиб қолган эди. У зот: «Сизларга нима бўлибди, ҳалок бўлган ҳолингизни кўраяпман?» дедилар. Улар: «Эй Аллоҳнинг Набийси, бизнинг еримиз вабо тарқаладиган ер, сиз эса фақат оғзини боғлаганимиздагидан бошқасини бизга ҳаром қилган эдингиз», дедилар. У зот: «Ичаверинглар, бироқ ҳар қандай маст қилувчи ичимлик ҳаромдир», дедилар.