Abu Umoma (roziyallohu anhu)dan rivoyat qilinadi: «Rasululloh ﷺ koʻp duolar bilan duo qildilar, ulardan biror narsani yodlab qola olmadik. Biz: ‹Ey Allohning Rasuli, siz koʻp duolar bilan duo qildingiz, ulardan biror narsani yodlay olmadik›, dedik. Shunda u zot: ‹Sizlarga shularning hammasini jamlaydigan narsani koʻrsataymi? Shuni ayt: Alloohumma innaa nasʼaluka min xoyri maa saʼalaka minhu nabiyyuka Muhammadun, va naʼuuzu bika min sharri mastaʼaazaka bihi nabiyyuka Muhammadun, va antal-mustaʼaanu va ʼalaykal-balaagu va laa havla va laa quvvata illaa billaah (Ey Alloh, biz Sendan Paygʻambaring Muhammad ﷺ Sendan soʻragan narsalarning yaxshisini soʻraymiz va Paygʻambaring Muhammad ﷺ Sendan panoh tilagan narsalarning yomonligidan Senga panoh tilaymiz. Yordam soʻraladigan Zot Sansan, yetkazish Senga bogʻliq va Allohdan boshqada kuch-quvvat yoʻq)›, dedilar», dedi. Abu Iso aytdi: Bu hadis hasan gʻaribdir.Абу Умома (розияллоҳу анҳу)дан ривоят қилинади: «Расулуллоҳ ﷺ кўп дуолар билан дуо қилдилар, улардан бирор нарсани ёдлаб қола олмадик. Биз: ‹Эй Аллоҳнинг Расули, сиз кўп дуолар билан дуо қилдингиз, улардан бирор нарсани ёдлай олмадик›, дедик. Шунда у зот: ‹Сизларга шуларнинг ҳаммасини жамлайдиган нарсани кўрсатайми? Шуни айт: Аллооҳумма иннаа насъалука мин хойри маа саъалака минҳу набийюка Муҳаммадун, ва наъуузу бика мин шарри мастаъаазака биҳи набийюка Муҳаммадун, ва антал-мустаъаану ва ъалайкал-балаагу ва лаа ҳавла ва лаа қуввата иллаа биллааҳ (Эй Аллоҳ, биз Сендан Пайғамбаринг Муҳаммад ﷺ Сендан сўраган нарсаларнинг яхшисини сўраймиз ва Пайғамбаринг Муҳаммад ﷺ Сендан паноҳ тилаган нарсаларнинг ёмонлигидан Сенга паноҳ тилаймиз. Ёрдам сўраладиган Зот Сансан, етказиш Сенга боғлиқ ва Аллоҳдан бошқада куч-қувват йўқ)›, дедилар», деди. Абу Исо айтди: Бу ҳадис ҳасан ғарибдир.