Abu Zarr (roziyallohu anhu)dan rivoyat qilinadi: Nabiy ﷺ: «Uch toifa borki, qiyomat kuni Alloh ular bilan soʻzlashmaydi, ularga (rahmat nazari bilan) qaramaydi va ularni (gunohlaridan) poklamaydi; ular uchun alamli azob bordir», dedilar. Rasululloh ﷺ buni uch marta takrorladilar. Abu Zarr: «Ular ziyon koʻrib, halok boʻlibdilar. Ular kimlar, ey Rasululloh?» dedi. U zot: «Izorini (kekkayib) tovonidan pastga tushirib yuruvchi, qilgan yaxshiligini minnat qiluvchi va molini yolgʻon qasam bilan sotuvchi», dedilar. U zotning boshqa bir rivoyatida: «izorini (kekkayib tovonidan pastga tushiruvchi)», deyilgan.Абу Зарр (розияллоҳу анҳу)дан ривоят қилинади: Набий ﷺ: «Уч тоифа борки, қиёмат куни Аллоҳ улар билан сўзлашмайди, уларга (раҳмат назари билан) қарамайди ва уларни (гуноҳларидан) покламайди; улар учун аламли азоб бордир», дедилар. Расулуллоҳ ﷺ буни уч марта такрорладилар. Абу Зарр: «Улар зиён кўриб, ҳалок бўлибдилар. Улар кимлар, эй Расулуллоҳ?» деди. У зот: «Изорини (кеккайиб) товонидан пастга тушириб юрувчи, қилган яхшилигини миннат қилувчи ва молини ёлғон қасам билан сотувчи», дедилар. У зотнинг бошқа бир ривоятида: «изорини (кеккайиб товонидан пастга туширувчи)», дейилган.