Abu Hurayra (roziyallohu anhu)dan rivoyat qilinadi: Bir badaviy (sahroyi arab) Paygʻambar ﷺ ga kelib: «Menga — agar uni qilsam, meni jannatga kiritadigan bir amalni ayting», — dedi. Paygʻambar ﷺ: «Allohga ibodat qil va Unga hech narsani sherik qilma; (besh vaqt) farz namozni mukammal oʻqi, farz zakotni ber va Ramazon oyida roʻza tut», — dedilar. Badaviy: «Joni qoʻlida boʻlgan (Alloh)ga qasamki, men bundan ortiq (ham) qilmayman, (kam) ham qilmayman», — dedi. U (badaviy) ketgach, Paygʻambar ﷺ: «Kim jannat ahlidan boʻlgan bir kishini koʻrishni xohlasa, mana shu kishiga qarasin», — dedilar.Абу Ҳурайра (розияллоҳу анҳу)дан ривоят қилинади: Бир бадавий (саҳройи араб) Пайғамбар ﷺ га келиб: «Менга — агар уни қилсам, мени жаннатга киритадиган бир амални айтинг», — деди. Пайғамбар ﷺ: «Аллоҳга ибодат қил ва Унга ҳеч нарсани шерик қилма; (беш вақт) фарз намозни мукаммал ўқи, фарз закотни бер ва Рамазон ойида рўза тут», — дедилар. Бадавий: «Жони қўлида бўлган (Аллоҳ)га қасамки, мен бундан ортиқ (ҳам) қилмайман, (кам) ҳам қилмайман», — деди. У (бадавий) кетгач, Пайғамбар ﷺ: «Ким жаннат аҳлидан бўлган бир кишини кўришни хоҳласа, мана шу кишига қарасин», — дедилар.