Abu Qatoda al-Ansoriy (roziyallohu anhu)dan rivoyat qilinadi: Rasululloh ﷺ dan oʻzlarining roʻzalari (qanday boʻlgani) toʻgʻrisida soʻralib, shunda Rasululloh ﷺ gʻazablandilar. Shunda Umar: «Biz Allohni Rabb deb, Islomni din deb, Muhammadni Rasul deb, oʻz bayʼatimizni (sodiq) bayʼat deb rozi boʻldik», dedi. (Rovi) dedi: Soʻng u zotdan butun yil (uzluksiz) roʻza tutish toʻgʻrisida soʻraldi. U zot: «(Bunday kishi) roʻza ham tutmadi, iftor ham qilmadi», yoki: «Roʻza ham tutgani yoʻq, iftor ham qilgani yoʻq», dedilar. (Rovi) dedi: Soʻng ikki kun roʻza tutib, bir kun iftor qilish toʻgʻrisida soʻraldi. U zot: «Bunga kimning kuchi yetadi?» dedilar. (Rovi) dedi: Soʻng bir kun roʻza tutib, ikki kun iftor qilish toʻgʻrisida soʻraldi. U zot: «Qaniydi, Alloh bizga buning uchun kuch-quvvat ato qilsa», dedilar. (Rovi) dedi: Soʻng bir kun roʻza tutib, bir kun iftor qilish toʻgʻrisida soʻraldi. U zot: «Bu — birodarim Dovud alayhissalomning roʻzasidir», dedilar. (Rovi) dedi: Soʻng dushanba kuni roʻza tutish toʻgʻrisida soʻraldi. U zot: «Bu — men tugʻilgan kun va menga (vahiy) yuborilgan (yoki: menga nozil qilingan) kundir», dedilar. (Rovi) dedi: Soʻng u zot: «Har oydan uch kun (roʻza) va Ramazondan Ramazongacha (roʻza) — butun yil roʻza (tutgan) kabidir», dedilar. (Rovi) dedi: Soʻng Arafa kuni roʻza tutish toʻgʻrisida soʻraldi. U zot: «(Bu) oʻtgan yil va keladigan yilning (gunohlariga) kafforat boʻladi», dedilar. (Rovi) dedi: Soʻng Oshuro kuni roʻza tutish toʻgʻrisida soʻraldi. U zot: «(Bu) oʻtgan yilning (gunohlariga) kafforat boʻladi», dedilar. Shuʼbaning rivoyatidagi bu hadisda (rovi) dedi: «Dushanba va payshanba kuni roʻza tutish toʻgʻrisida ham soʻraldi», (deyilgan), ammo biz payshanbani zikr etishni — uni vahm (xato) deb bilganimiz uchun — tilga olmadik.Абу Қатода ал-Ансорий (розияллоҳу анҳу)дан ривоят қилинади: Расулуллоҳ ﷺ дан ўзларининг рўзалари (қандай бўлгани) тўғрисида сўралиб, шунда Расулуллоҳ ﷺ ғазабландилар. Шунда Умар: «Биз Аллоҳни Рабб деб, Исломни дин деб, Муҳаммадни Расул деб, ўз байъатимизни (содиқ) байъат деб рози бўлдик», деди. (Рови) деди: Сўнг у зотдан бутун йил (узлуксиз) рўза тутиш тўғрисида сўралди. У зот: «(Бундай киши) рўза ҳам тутмади, ифтор ҳам қилмади», ёки: «Рўза ҳам тутгани йўқ, ифтор ҳам қилгани йўқ», дедилар. (Рови) деди: Сўнг икки кун рўза тутиб, бир кун ифтор қилиш тўғрисида сўралди. У зот: «Бунга кимнинг кучи етади?» дедилар. (Рови) деди: Сўнг бир кун рўза тутиб, икки кун ифтор қилиш тўғрисида сўралди. У зот: «Қанийди, Аллоҳ бизга бунинг учун куч-қувват ато қилса», дедилар. (Рови) деди: Сўнг бир кун рўза тутиб, бир кун ифтор қилиш тўғрисида сўралди. У зот: «Бу — биродарим Довуд алайҳиссаломнинг рўзасидир», дедилар. (Рови) деди: Сўнг душанба куни рўза тутиш тўғрисида сўралди. У зот: «Бу — мен туғилган кун ва менга (ваҳий) юборилган (ёки: менга нозил қилинган) кундир», дедилар. (Рови) деди: Сўнг у зот: «Ҳар ойдан уч кун (рўза) ва Рамазондан Рамазонгача (рўза) — бутун йил рўза (тутган) кабидир», дедилар. (Рови) деди: Сўнг Арафа куни рўза тутиш тўғрисида сўралди. У зот: «(Бу) ўтган йил ва келадиган йилнинг (гуноҳларига) каффорат бўлади», дедилар. (Рови) деди: Сўнг Ошуро куни рўза тутиш тўғрисида сўралди. У зот: «(Бу) ўтган йилнинг (гуноҳларига) каффорат бўлади», дедилар. Шуъбанинг ривоятидаги бу ҳадисда (рови) деди: «Душанба ва пайшанба куни рўза тутиш тўғрисида ҳам сўралди», (дейилган), аммо биз пайшанбани зикр этишни — уни ваҳм (хато) деб билганимиз учун — тилга олмадик.