Abu Idris al-Xavloniy (rahimahulloh)dan rivoyat qilinadi: Damashq masjidiga kirdim. Qarasam, tishlari yaltiroq bir yigit, atrofida esa odamlar bor edi. Ular biror narsada ixtilof qilishsa, uni oʻshanga havola qilib, uning fikriga qaytar edilar. Men u haqda soʻradim. «Bu Muoz ibn Jabal (roziyallohu anhu)», deyishdi. Ertasi kuni erta bordim, ammo u mendan oldinroq kelgan va namoz oʻqiyotgan ekan. U namozini tugatguncha kutdim, soʻng oldi tomonidan kelib salom berdim va: «Alloh haqqi, men seni yaxshi koʻraman», dedim. U: «Alloh uchunmi?» dedi. Men: «Alloh uchun», dedim. U: «Alloh uchunmi?» dedi. Men: «Alloh uchun», dedim. Shunda u ridomning etagidan tutib, meni oʻziga tortdi-da: «Xushxabar boʻlsin! Men Rasululloh ﷺning ‹Alloh taolo: «Meni deb bir-birini sevganlarga, Meni deb birga oʻtirganlarga, Meni deb bir-birini ziyorat qilganlarga va Meni deb bir-biriga saxovat koʻrsatganlarga muhabbatim vojib boʻldi», dedi› deganlarini eshitdim», dedi.Абу Идрис ал-Хавлоний (раҳимаҳуллоҳ)дан ривоят қилинади: Дамашқ масжидига кирдим. Қарасам, тишлари ялтироқ бир йигит, атрофида эса одамлар бор эди. Улар бирор нарсада ихтилоф қилишса, уни ўшанга ҳавола қилиб, унинг фикрига қайтар эдилар. Мен у ҳақда сўрадим. «Бу Муоз ибн Жабал (розияллоҳу анҳу)», дейишди. Эртаси куни эрта бордим, аммо у мендан олдинроқ келган ва намоз ўқиётган экан. У намозини тугатгунча кутдим, сўнг олди томонидан келиб салом бердим ва: «Аллоҳ ҳаққи, мен сени яхши кўраман», дедим. У: «Аллоҳ учунми?» деди. Мен: «Аллоҳ учун», дедим. У: «Аллоҳ учунми?» деди. Мен: «Аллоҳ учун», дедим. Шунда у ридомнинг этагидан тутиб, мени ўзига тортди-да: «Хушхабар бўлсин! Мен Расулуллоҳ ﷺнинг ‹Аллоҳ таоло: «Мени деб бир-бирини севганларга, Мени деб бирга ўтирганларга, Мени деб бир-бирини зиёрат қилганларга ва Мени деб бир-бирига саховат кўрсатганларга муҳаббатим вожиб бўлди», деди› деганларини эшитдим», деди.