Abdulloh ibn Masʼud (roziyallohu anhu)dan rivoyat qilinadi: Hunayn kuni boʻlganda Rasululloh ﷺ taqsimotda baʼzi odamlarni afzal koʻrdilar: Aqraʼ ibn Hobisga yuzta tuya berdilar, Uyaynaga ham shuncha berdilar va arab ashrofidan baʼzi kishilarga berib, oʻsha kuni taqsimotda ularni afzal koʻrdilar. Shunda bir kishi: «Allohga qasamki, bu shunday taqsimotki, unda adolat qilinmadi va unda Allohning yuzi (roziligi) koʻzlanmadi», dedi. (Abdulloh) dedi: Men: «Allohga qasamki, albatta Rasululloh ﷺ ga xabar beraman», dedim. Soʻng u zotning oldilariga kelib, u (kishi) aytgan narsani xabar qildim. Shunda u zotning yuzlari rangi shildiradek (qip-qizil) boʻlgunicha oʻzgardi, soʻng: «Agar Alloh va Uning Rasuli adolat qilmasa, kim adolat qiladi?» — dedilar. Soʻng: «Alloh Musoga rahm qilsin, unga bundan ham koʻproq aziyat berilgan edi, lekin u sabr qildi», — dedilar. (Abdulloh) dedi: Men: «Endi shubhasiz, bundan keyin u zotga hech qachon hech qanday gapni yetkazmayman», dedim.Абдуллоҳ ибн Масъуд (розияллоҳу анҳу)дан ривоят қилинади: Ҳунайн куни бўлганда Расулуллоҳ ﷺ тақсимотда баъзи одамларни афзал кўрдилар: Ақраъ ибн Ҳобисга юзта туя бердилар, Уяйнага ҳам шунча бердилар ва араб ашрофидан баъзи кишиларга бериб, ўша куни тақсимотда уларни афзал кўрдилар. Шунда бир киши: «Аллоҳга қасамки, бу шундай тақсимотки, унда адолат қилинмади ва унда Аллоҳнинг юзи (розилиги) кўзланмади», деди. (Абдуллоҳ) деди: Мен: «Аллоҳга қасамки, албатта Расулуллоҳ ﷺ га хабар бераман», дедим. Сўнг у зотнинг олдиларига келиб, у (киши) айтган нарсани хабар қилдим. Шунда у зотнинг юзлари ранги шилдирадек (қип-қизил) бўлгунича ўзгарди, сўнг: «Агар Аллоҳ ва Унинг Расули адолат қилмаса, ким адолат қилади?» — дедилар. Сўнг: «Аллоҳ Мусога раҳм қилсин, унга бундан ҳам кўпроқ азият берилган эди, лекин у сабр қилди», — дедилар. (Абдуллоҳ) деди: Мен: «Энди шубҳасиз, бундан кейин у зотга ҳеч қачон ҳеч қандай гапни етказмайман», дедим.