- وعن أبي أمامة رضي الله عنه قال: قال رسول الله صلى الله عليه وسلم: "أفضل الصدقات ظل فسطاط في سبيل الله، ومنيحة خادم في سبيل الله، أو طروقة فحل في سبيل الله" ((رواه الترمذي وقال: حديث حسن صحيح)).
Abu Umoma (roziyallohu anhu)dan rivoyat qilinadi: Rasululloh ﷺ: «Sadaqalarning afzali — Alloh yoʻlidagi chodir soyasi, Alloh yoʻlida xizmatkorni (vaqtincha foydalanishga) berish, yoki Alloh yoʻlida (urugʻlantirish uchun) erkak tuyani (berish)dir», dedilar. Abu Iso aytdi: Bu hadis hasan sahih gʻaribdir, va u mening nazdimda Muoviya ibn Solih hadisidan sahihroqdir.Абу Умома (розияллоҳу анҳу)дан ривоят қилинади: Расулуллоҳ ﷺ: «Садақаларнинг афзали — Аллоҳ йўлидаги чодир сояси, Аллоҳ йўлида хизматкорни (вақтинча фойдаланишга) бериш, ёки Аллоҳ йўлида (уруғлантириш учун) эркак туяни (бериш)дир», дедилар. Абу Исо айтди: Бу ҳадис ҳасан саҳиҳ ғарибдир, ва у менинг наздимда Муовия ибн Солиҳ ҳадисидан саҳиҳроқдир.
- وعن بريدة رضي الله عنه قال: قال رسول الله صلى الله عليه وسلم : "حرمة نساء المجاهدين على القاعدين كحرمة أمهاتهم، ما من رجل من القاعدين يخلف رجلا من المجاهدين في أهله، فيخونه فيهم إلا وقف له يوم القيامة، فيأخذ من حسناته ما شاء حتى يرضى" ثم التفت إلينا رسول الله صلى الله عليه وسلم وقال: "ما ظنكم؟" ((رواه مسلم)).
Burayda (roziyallohu anhu)dan rivoyat qilinadi: Rasululloh ﷺ: «Mujohidlarning ayollarining hurmati (jangga chiqmay uyda) oʻtirib qolganlar uchun oʻz onalarining hurmati kabidir. Oʻtirib qolganlardan qaysi bir kishi mujohidning ahli-oilasi ishida uning oʻrniga qolib, ularga xiyonat qilsa, albatta qiyomat kuni u (mujohid) oldida toʻxtatiladi va u (mujohid) rozi boʻlguncha, uning yaxshiliklaridan xohlaganicha oladi», dedilar. Soʻng Rasululloh ﷺ bizga yuzlanib: «Endi nima deb oʻylaysizlar?» dedilar.Бурайда (розияллоҳу анҳу)дан ривоят қилинади: Расулуллоҳ ﷺ: «Мужоҳидларнинг аёлларининг ҳурмати (жангга чиқмай уйда) ўтириб қолганлар учун ўз оналарининг ҳурмати кабидир. Ўтириб қолганлардан қайси бир киши мужоҳиднинг аҳли-оиласи ишида унинг ўрнига қолиб, уларга хиёнат қилса, албатта қиёмат куни у (мужоҳид) олдида тўхтатилади ва у (мужоҳид) рози бўлгунча, унинг яхшиликларидан хоҳлаганича олади», дедилар. Сўнг Расулуллоҳ ﷺ бизга юзланиб: «Энди нима деб ўйлайсизлар?» дедилар.