حَدَّثَنَا ابْنُ نُمَيْرٍ عَنْ عُثْمَانَ يَعْنِي ابْنَ حَكِيمٍ أَخْبَرَنِي تَمِيمُ بْنُ يَزِيدَ مَوْلَى بَنِي زَمْعَةَ عَنْ رَجُلٍ مِنْ أَصْحَابِ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَخَطَبَنَا رَسُولُ اللَّهِ صَلَّى اللَّهُ عَلَيْهِ وَسَلَّمَ ذَاتَ يَوْمٍ ثُمَّ قَالَ أَيُّهَا النَّاسُ ثِنْتَانِ مَنْ وَقَاهُ اللَّهُ شَرَّهُمَا دَخَلَ الْجَنَّةَ قَالَ فَقَامَ رَجُلٌ مِنْ الْأَنْصَارِ فَقَالَ يَا رَسُولَ اللَّهِ لَا تُخْبِرْنَا مَا هُمَا ثُمَّ قَالَ اثْنَانِ مَنْ وَقَاهُ اللَّهُ شَرَّهُمَا دَخَلَ الْجَنَّةَ حَتَّى إِذَا كَانَتْ الثَّالِثَةُ أَجْلَسَهُ أَصْحَابُ رَسُولِ اللَّهِ صَلَّى اللَّهُ عَلَيْهِ وَسَلَّمَ فَقَالُوا تَرَى رَسُولَ اللَّهِ صَلَّى اللَّهُ عَلَيْهِ وَسَلَّمَ يُرِيدُ يُبَشِّرُنَا فَتَمْنَعُهُ فَقَالَ إِنِّي أَخَافُ أَنْ يَتَّكِلَ النَّاسُ فَقَالَ ثِنْتَانِ مَنْ وَقَاهُ اللَّهُ شَرَّهُمَا دَخَلَ الْجَنَّةَ مَا بَيْنَ لَحْيَيْهِ وَمَا بَيْنَ رِجْلَيْهِ
Rasululloh ﷺ sahobalaridan bir kishi rivoyat qiladi: Bir kuni Rasululloh ﷺ bizga xutba qildilar, soʻng: «Ey odamlar, ikki narsa borki, Alloh kimni ularning yomonligidan saqlasa, jannatga kiradi», dedilar. Shunda ansorlardan bir kishi turib: «Ey Allohning Rasuli, ular nima ekanini bizga aytmaysizmi?» dedi. U zot yana: «Ikki narsa borki, Alloh kimni ularning yomonligidan saqlasa, jannatga kiradi», dedilar. Uchinchi marta boʻlganida, Rasululloh ﷺ ning sahobalari uni oʻtqazib qoʻyishdi va: «Rasululloh ﷺ bizga xushxabar bermoqchi boʻlyaptilar-u, sen u zotni toʻsyapsanmi?» deyishdi. U zot: «Men odamlar (shunga) suyanib qolishlaridan qoʻrqaman», dedilar. Soʻng: «Ikki narsa borki, Alloh kimni ularning yomonligidan saqlasa, jannatga kiradi: ikki jagʻi orasidagi (til) va ikki oyogʻi orasidagi (narsa)», dedilar.Расулуллоҳ ﷺ саҳобаларидан бир киши ривоят қилади: Бир куни Расулуллоҳ ﷺ бизга хутба қилдилар, сўнг: «Эй одамлар, икки нарса борки, Аллоҳ кимни уларнинг ёмонлигидан сақласа, жаннатга киради», дедилар. Шунда ансорлардан бир киши туриб: «Эй Аллоҳнинг Расули, улар нима эканини бизга айтмайсизми?» деди. У зот яна: «Икки нарса борки, Аллоҳ кимни уларнинг ёмонлигидан сақласа, жаннатга киради», дедилар. Учинчи марта бўлганида, Расулуллоҳ ﷺ нинг саҳобалари уни ўтқазиб қўйишди ва: «Расулуллоҳ ﷺ бизга хушхабар бермоқчи бўляптилар-у, сен у зотни тўсяпсанми?» дейишди. У зот: «Мен одамлар (шунга) суяниб қолишларидан қўрқаман», дедилар. Сўнг: «Икки нарса борки, Аллоҳ кимни уларнинг ёмонлигидан сақласа, жаннатга киради: икки жағи орасидаги (тил) ва икки оёғи орасидаги (нарса)», дедилар.