Anas (roziyallohu anhu)dan rivoyat qilinadi: Rasululloh ﷺ: «Qiyomat kunigacha (boʻladigan) hech narsa haqida mendan soʻramanglar, magar men sizlarga aytib beraman», dedilar. Shunda Abdulloh ibn Huzofa turib: «Ey Allohning Rasuli, mening otam kim?» dedi. U zot: «Otang Huzofadir», dedilar. Onasi unga: «Bundan nima maqsad qilding?» dedi. U: «Xotirjam boʻlishni istadim», dedi — chunki u haqida (gap-soʻz) aytilar edi. Humayd aytdi: Menimcha, bu (qism) Anasdandir. (Anas) dedi: Bas, Rasululloh ﷺ gʻazablandilar. Shunda Umar: «Biz Allohning Rabb boʻlishiga, Islomning din boʻlishiga va Muhammad ﷺning nabiy boʻlishiga rozi boʻldik. Allohning gʻazabidan va Uning Rasulining gʻazabidan Allohdan panoh soʻraymiz», dedi.Анас (розияллоҳу анҳу)дан ривоят қилинади: Расулуллоҳ ﷺ: «Қиёмат кунигача (бўладиган) ҳеч нарса ҳақида мендан сўраманглар, магар мен сизларга айтиб бераман», дедилар. Шунда Абдуллоҳ ибн Ҳузофа туриб: «Эй Аллоҳнинг Расули, менинг отам ким?» деди. У зот: «Отанг Ҳузофадир», дедилар. Онаси унга: «Бундан нима мақсад қилдинг?» деди. У: «Хотиржам бўлишни истадим», деди — чунки у ҳақида (гап-сўз) айтилар эди. Ҳумайд айтди: Менимча, бу (қисм) Анасдандир. (Анас) деди: Бас, Расулуллоҳ ﷺ ғазабландилар. Шунда Умар: «Биз Аллоҳнинг Рабб бўлишига, Исломнинг дин бўлишига ва Муҳаммад ﷺнинг набий бўлишига рози бўлдик. Аллоҳнинг ғазабидан ва Унинг Расулининг ғазабидан Аллоҳдан паноҳ сўраймиз», деди.