Ibn Umar (roziyallohu anhumo)dan rivoyat qilinadiki, Nabiy ﷺ shigʻordan qaytardilar. Abu Iso aytdi: Bu hadis hasan sahihdir. Aksar ilm ahli shu (rivoyatga) amal qiladilar, ular shigʻor nikohini joiz koʻrmaydilar. Shigʻor — kishi oʻz qizini boshqa kishiga, u ham oʻz qizini yoki opa-singlisini unga xotinlikka berishi sharti bilan, oralarida mahr boʻlmagan holda berishidir. Baʼzi ilm ahli: Shigʻor nikohi buziladi va garchi ularga mahr belgilangan boʻlsa-da, halol boʻlmaydi, dedilar. Bu Shofiʼiy, Ahmad va Ishoqning soʻzidir. Ato ibn Abu Robohdan rivoyat qilinishicha, u: Ular oʻz nikohlarida qoldiriladi va ularga mislining mahri belgilanadi, degan. Bu kufaliklarning soʻzidir.Ибн Умар (розияллоҳу анҳумо)дан ривоят қилинадики, Набий ﷺ шиғордан қайтардилар. Абу Исо айтди: Бу ҳадис ҳасан саҳиҳдир. Аксар илм аҳли шу (ривоятга) амал қиладилар, улар шиғор никоҳини жоиз кўрмайдилар. Шиғор — киши ўз қизини бошқа кишига, у ҳам ўз қизини ёки опа-синглисини унга хотинликка бериши шарти билан, ораларида маҳр бўлмаган ҳолда беришидир. Баъзи илм аҳли: Шиғор никоҳи бузилади ва гарчи уларга маҳр белгиланган бўлса-да, ҳалол бўлмайди, дедилар. Бу Шофиъий, Аҳмад ва Ишоқнинг сўзидир. Ато ибн Абу Робоҳдан ривоят қилинишича, у: Улар ўз никоҳларида қолдирилади ва уларга мислининг маҳри белгиланади, деган. Бу куфаликларнинг сўзидир.