حَدَّثَنَا عَلِيُّ بْنُ حُجْرٍ، أَخْبَرَنَا إِسْمَاعِيلُ بْنُ جَعْفَرٍ، حَدَّثَنَا جَعْفَرُ بْنُ مُحَمَّدٍ، عَنْ أَبِيهِ، أَنَّ النَّبِيَّ صلى الله عليه وسلم قَضَى بِالْيَمِينِ مَعَ الشَّاهِدِ الْوَاحِدِ . قَالَ وَقَضَى بِهَا عَلِيٌّ فِيكُمْ . قَالَ أَبُو عِيسَى وَهَذَا أَصَحُّ وَهَكَذَا رَوَى سُفْيَانُ الثَّوْرِيُّ عَنْ جَعْفَرِ بْنِ مُحَمَّدٍ عَنْ أَبِيهِ عَنِ النَّبِيِّ صلى الله عليه وسلم مُرْسَلاً . وَرَوَى عَبْدُ الْعَزِيزِ بْنُ أَبِي سَلَمَةَ وَيَحْيَى بْنُ سُلَيْمٍ هَذَا الْحَدِيثَ عَنْ جَعْفَرِ بْنِ مُحَمَّدٍ عَنْ أَبِيهِ عَنْ عَلِيٍّ عَنِ النَّبِيِّ صلى الله عليه وسلم . وَالْعَمَلُ عَلَى هَذَا عِنْدَ بَعْضِ أَهْلِ الْعِلْمِ مِنْ أَصْحَابِ النَّبِيِّ صلى الله عليه وسلم وَغَيْرِهِمْ رَأَوْا أَنَّ الْيَمِينَ مَعَ الشَّاهِدِ الْوَاحِدِ جَائِزٌ فِي الْحُقُوقِ وَالأَمْوَالِ . وَهُوَ قَوْلُ مَالِكِ بْنِ أَنَسٍ وَالشَّافِعِيِّ وَأَحْمَدَ وَإِسْحَاقَ وَقَالُوا لاَ يُقْضَى بِالْيَمِينِ مَعَ الشَّاهِدِ الْوَاحِدِ إِلاَّ فِي الْحُقُوقِ وَالأَمْوَالِ . وَلَمْ يَرَ بَعْضُ أَهْلِ الْعِلْمِ مِنْ أَهْلِ الْكُوفَةِ وَغَيْرِهِمْ أَنْ يُقْضَى بِالْيَمِينِ مَعَ الشَّاهِدِ الْوَاحِدِ .
Jaʼfar ibn Muhammad (rahimahulloh) otasidan rivoyat qiladiki, Nabiy ﷺ bitta guvoh bilan birga qasam (asosida) hukm qildilar. (Otasi): «Ali ham sizlarning oraringizda shunga binoan hukm qilgan», dedi. Abu Iso aytdi: Bu (rivoyat) eng sahihdir. Sufyon as-Savriy ham shunday — Jaʼfar ibn Muhammaddan, u otasidan, u Nabiy ﷺdan mursal holatda rivoyat qilgan. Abdulaziz ibn Abu Salama va Yahyo ibn Sulaym bu hadisni Jaʼfar ibn Muhammaddan, u otasidan, u Alidan, u Nabiy ﷺdan rivoyat qilganlar. Nabiy ﷺning sahobalari va boshqalardan boʻlgan baʼzi ilm ahli huzurida amal shunga binoan boʻlib, ular huquq va mol-mulk (ishlari)da bitta guvoh bilan birga qasamni joiz deb koʻrganlar. Bu Molik ibn Anas, Shofiiy, Ahmad va Ishoqning soʻzidir. Ular: «Bitta guvoh bilan birga qasam asosida faqat huquq va mol-mulk (ishlari)dagina hukm qilinadi», deganlar. Kufa ahli va boshqalardan boʻlgan baʼzi ilm ahli bitta guvoh bilan birga qasam asosida hukm qilishni (joiz deb) koʻrmaganlar.Жаъфар ибн Муҳаммад (раҳимаҳуллоҳ) отасидан ривоят қиладики, Набий ﷺ битта гувоҳ билан бирга қасам (асосида) ҳукм қилдилар. (Отаси): «Али ҳам сизларнинг орарингизда шунга биноан ҳукм қилган», деди. Абу Исо айтди: Бу (ривоят) энг саҳиҳдир. Суфён ас-Саврий ҳам шундай — Жаъфар ибн Муҳаммаддан, у отасидан, у Набий ﷺдан мурсал ҳолатда ривоят қилган. Абдулазиз ибн Абу Салама ва Яҳё ибн Сулайм бу ҳадисни Жаъфар ибн Муҳаммаддан, у отасидан, у Алидан, у Набий ﷺдан ривоят қилганлар. Набий ﷺнинг саҳобалари ва бошқалардан бўлган баъзи илм аҳли ҳузурида амал шунга биноан бўлиб, улар ҳуқуқ ва мол-мулк (ишлари)да битта гувоҳ билан бирга қасамни жоиз деб кўрганлар. Бу Молик ибн Анас, Шофиий, Аҳмад ва Ишоқнинг сўзидир. Улар: «Битта гувоҳ билан бирга қасам асосида фақат ҳуқуқ ва мол-мулк (ишлари)дагина ҳукм қилинади», деганлар. Куфа аҳли ва бошқалардан бўлган баъзи илм аҳли битта гувоҳ билан бирга қасам асосида ҳукм қилишни (жоиз деб) кўрмаганлар.