Ibn Abbos (roziyallohu anhumo)dan rivoyat qilinadi: Nabiy ﷺ ichganlarida ikki marta nafas olar edilar. Abu Iso aytdi: Bu hadis gʻaribdir, biz uni faqat Rishdin ibn Kurayb rivoyati orqaligina bilamiz. (Abu Iso) aytdi: Men Abu Muhammad Abdulloh ibn Abdurrahmondan Rishdin ibn Kurayb haqida soʻrab: «U kuchliroqmi yoki Muhammad ibn Kuraybmi?» dedim. U: «Ikkovi bir-biriga juda yaqin, ammo menimcha Rishdin ibn Kurayb ulardan ustunroqdir», dedi. (Abu Iso) aytdi: Men Muhammad ibn Ismoildan ham buni soʻradim, u: «Muhammad ibn Kurayb Rishdin ibn Kuraybdan ustunroqdir», dedi. Menimcha esa toʻgʻri soʻz Abu Muhammad Abdulloh ibn Abdurrahmon aytgan soʻzdir: Rishdin ibn Kurayb ustunroq va kattaroqdir, u Ibn Abbosga yetishgan va uni koʻrgan, ular ikkovi aka-uka boʻlib, ikkovida ham munkar (rivoyat)lar bor.Ибн Аббос (розияллоҳу анҳумо)дан ривоят қилинади: Набий ﷺ ичганларида икки марта нафас олар эдилар. Абу Исо айтди: Бу ҳадис ғарибдир, биз уни фақат Ришдин ибн Курайб ривояти орқалигина биламиз. (Абу Исо) айтди: Мен Абу Муҳаммад Абдуллоҳ ибн Абдурраҳмондан Ришдин ибн Курайб ҳақида сўраб: «У кучлироқми ёки Муҳаммад ибн Курайбми?» дедим. У: «Иккови бир-бирига жуда яқин, аммо менимча Ришдин ибн Курайб улардан устунроқдир», деди. (Абу Исо) айтди: Мен Муҳаммад ибн Исмоилдан ҳам буни сўрадим, у: «Муҳаммад ибн Курайб Ришдин ибн Курайбдан устунроқдир», деди. Менимча эса тўғри сўз Абу Муҳаммад Абдуллоҳ ибн Абдурраҳмон айтган сўздир: Ришдин ибн Курайб устунроқ ва каттароқдир, у Ибн Аббосга етишган ва уни кўрган, улар иккови ака-ука бўлиб, икковида ҳам мункар (ривоят)лар бор.