Abu Ahvas (roziyallohu anhu) otasidan rivoyat qiladi: «Men: ‹Yo Rasululloh, men bir kishining oldidan oʻtaman, u meni mehmon qilmaydi va menga mehmondoʻstlik koʻrsatmaydi. Soʻng u mening oldimdan oʻtsa, men unga (xuddi shunday qilib) javob beraymi?› dedim. U zot: ‹Yoʻq, sen uni mehmon qilgin (yaxshilik qilgin)›, dedilar. (Roviy) aytdi: U zot meni eski-tuski kiyimda koʻrib: ‹Sening moling bormi?› dedilar. Men: ‹Allohning bergan har xil molidan — tuya va qoʻylardan bor›, dedim. U zot: ‹Unda u (neʼmat) sening ustingda koʻrinsin (yaxshi kiyin)›, dedilar», dedi. Abu Iso aytdi: Bu bobda Oisha, Jobir va Abu Hurayradan ham (rivoyatlar) bor. Bu hadis hasan sahihdir. Abu Ahvasning ismi Avf ibn Molik ibn Nazla al-Jushamiydir. Uning «aqrihu» degan soʻzining maʼnosi — uni mehmon qil, demakdir; «qiro» esa mehmondoʻstlikdir.Абу Аҳвас (розияллоҳу анҳу) отасидан ривоят қилади: «Мен: ‹Ё Расулуллоҳ, мен бир кишининг олдидан ўтаман, у мени меҳмон қилмайди ва менга меҳмондўстлик кўрсатмайди. Сўнг у менинг олдимдан ўтса, мен унга (худди шундай қилиб) жавоб берайми?› дедим. У зот: ‹Йўқ, сен уни меҳмон қилгин (яхшилик қилгин)›, дедилар. (Ровий) айтди: У зот мени эски-туски кийимда кўриб: ‹Сенинг молинг борми?› дедилар. Мен: ‹Аллоҳнинг берган ҳар хил молидан — туя ва қўйлардан бор›, дедим. У зот: ‹Унда у (неъмат) сенинг устингда кўринсин (яхши кийин)›, дедилар», деди. Абу Исо айтди: Бу бобда Оиша, Жобир ва Абу Ҳурайрадан ҳам (ривоятлар) бор. Бу ҳадис ҳасан саҳиҳдир. Абу Аҳваснинг исми Авф ибн Молик ибн Назла ал-Жушамийдир. Унинг «ақриҳу» деган сўзининг маъноси — уни меҳмон қил, демакдир; «қиро» эса меҳмондўстликдир.