Abu Hurayra (roziyallohu anhu) Paygʻambar ﷺdan rivoyat qiladi: U zot: «Oxirzamonda moʻminning tushi qariyb yolgʻon boʻlmaydi. Ularning tushi eng rost boʻlgani, soʻzi eng rost boʻlganidir. Tush uch xildir: yaxshi tush — Allohdan boʻlgan xushxabar, kishi oʻz koʻngli bilan oʻylab koʻradigan tush va shayton tomonidan boʻlgan gʻam-tashvish solinadigan tush. Sizlardan biringiz oʻzi yoqtirmagan tushni koʻrsa, uni hech kimga aytmasin, balki turib namoz oʻqisin», dedilar. Abu Hurayra aytdi: «Men kishan(ni koʻrish)ni yoqtiraman, boʻyinturuq(ni koʻrish)ni esa yoqtirmayman. Kishan dinda sobitlikdir». Paygʻambar ﷺ: «Moʻminning tushi nubuvvatning qirq oltidan bir boʻlagidir», dedilar. Abu Iso aytdi: Abdulvahhob as-Saqafiy bu hadisni Ayyubdan marfuʼ holda rivoyat qilgan, Hammod ibn Zayd esa uni Ayyubdan rivoyat qilib, mavquf qilgan.Абу Ҳурайра (розияллоҳу анҳу) Пайғамбар ﷺдан ривоят қилади: У зот: «Охирзамонда мўминнинг туши қарийб ёлғон бўлмайди. Уларнинг туши энг рост бўлгани, сўзи энг рост бўлганидир. Туш уч хилдир: яхши туш — Аллоҳдан бўлган хушхабар, киши ўз кўнгли билан ўйлаб кўрадиган туш ва шайтон томонидан бўлган ғам-ташвиш солинадиган туш. Сизлардан бирингиз ўзи ёқтирмаган тушни кўрса, уни ҳеч кимга айтмасин, балки туриб намоз ўқисин», дедилар. Абу Ҳурайра айтди: «Мен кишан(ни кўриш)ни ёқтираман, бўйинтуруқ(ни кўриш)ни эса ёқтирмайман. Кишан динда собитликдир». Пайғамбар ﷺ: «Мўминнинг туши нубувватнинг қирқ олтидан бир бўлагидир», дедилар. Абу Исо айтди: Абдулваҳҳоб ас-Сақафий бу ҳадисни Айюбдан марфуъ ҳолда ривоят қилган, Ҳаммод ибн Зайд эса уни Айюбдан ривоят қилиб, мавқуф қилган.