Abu Hurayra (roziyallohu anhu)dan rivoyat qilinadi: Rasululloh ﷺ: «Toʻlin oy kechasi oyni koʻrishda bir-biringizga halaqit beryapsizmi? Quyoshni koʻrishda bir-biringizga halaqit beryapsizmi?», dedilar. Ular: «Yoʻq», dedilar. U zot: «Bas, albatta, sizlar Rabbingizni toʻlin oy kechasi oyni koʻrayotganingizdek koʻrasizlar, Uni koʻrishda bir-biringizga halaqit bermaysizlar», dedilar. Abu Iso aytdi: Bu hadis hasan sahih gʻaribdir. Yahyo ibn Iso ar-Ramliy va bir nechta (rovaylar) ham buni Aʼmashdan, u Abu Solihdan, u Abu Hurayradan, u Nabiy ﷺdan shunday rivoyat qilganlar. Abdulloh ibn Idris esa Aʼmashdan, u Abu Solihdan, u Abu Saiddan, u Nabiy ﷺdan rivoyat qilgan. Ibn Idrisning Aʼmashdan (qilgan) hadisi mahfuz emas, Abu Solihning Abu Hurayradan, u Nabiy ﷺdan (qilgan) hadisi esa asahhdir. Suhayl ibn Abu Solih ham uni otasidan, u Abu Hurayradan, u Nabiy ﷺdan shunday rivoyat qilgan. Abu Saiddan, u Nabiy ﷺdan ham bu yoʻldan boshqa yoʻl bilan shunga oʻxshash hadis rivoyat qilingan va u sahih hadisdir.Абу Ҳурайра (розияллоҳу анҳу)дан ривоят қилинади: Расулуллоҳ ﷺ: «Тўлин ой кечаси ойни кўришда бир-бирингизга ҳалақит беряпсизми? Қуёшни кўришда бир-бирингизга ҳалақит беряпсизми?», дедилар. Улар: «Йўқ», дедилар. У зот: «Бас, албатта, сизлар Раббингизни тўлин ой кечаси ойни кўраётганингиздек кўрасизлар, Уни кўришда бир-бирингизга ҳалақит бермайсизлар», дедилар. Абу Исо айтди: Бу ҳадис ҳасан саҳиҳ ғарибдир. Яҳё ибн Исо ар-Рамлий ва бир нечта (ровайлар) ҳам буни Аъмашдан, у Абу Солиҳдан, у Абу Ҳурайрадан, у Набий ﷺдан шундай ривоят қилганлар. Абдуллоҳ ибн Идрис эса Аъмашдан, у Абу Солиҳдан, у Абу Саиддан, у Набий ﷺдан ривоят қилган. Ибн Идриснинг Аъмашдан (қилган) ҳадиси маҳфуз эмас, Абу Солиҳнинг Абу Ҳурайрадан, у Набий ﷺдан (қилган) ҳадиси эса асаҳҳдир. Суҳайл ибн Абу Солиҳ ҳам уни отасидан, у Абу Ҳурайрадан, у Набий ﷺдан шундай ривоят қилган. Абу Саиддан, у Набий ﷺдан ҳам бу йўлдан бошқа йўл билан шунга ўхшаш ҳадис ривоят қилинган ва у саҳиҳ ҳадисдир.