Abu Hurayra (roziyallohu anhu)dan rivoyat qilinadi: Rasululloh ﷺ odamlarga xutba qilib, ularga vaʼz aytdilar, soʻng: «Ey ayollar jamoasi, sadaqa qilinglar; chunki sizlar doʻzax ahlining koʻpchiligisizlar», dedilar. Ulardan bir ayol: «Ey Allohning Rasuli, nega bunday?» dedi. U zot: «Koʻp laʼnat qilganlaringiz va eringizga nisbatan noshukurligingiz sababidan», dedilar. Soʻng: «Aql va dini noqis boʻla turib, aql va tadbir egasi (erkak)larni siz(ayol)larchalik yenga oladiganini koʻrmadim», dedilar. Ulardan bir ayol: «Uning dini va aqlining noqisligi nimada?» dedi. U zot: «Sizlardan ikki ayolning guvohligi bir erkakning guvohligiga (teng) boʻlishi — (aqlining noqisligidir); diningiz noqisligi esa — hayz koʻrib, biringiz uch-toʻrt (kun) namoz oʻqimay turishidir», dedilar. Abu Iso aytdi: Bu hadis bu yoʻldan kelishida sahih gʻarib hasandir.Абу Ҳурайра (розияллоҳу анҳу)дан ривоят қилинади: Расулуллоҳ ﷺ одамларга хутба қилиб, уларга ваъз айтдилар, сўнг: «Эй аёллар жамоаси, садақа қилинглар; чунки сизлар дўзах аҳлининг кўпчилигисизлар», дедилар. Улардан бир аёл: «Эй Аллоҳнинг Расули, нега бундай?» деди. У зот: «Кўп лаънат қилганларингиз ва эрингизга нисбатан ношукурлигингиз сабабидан», дедилар. Сўнг: «Ақл ва дини ноқис бўла туриб, ақл ва тадбир эгаси (эркак)ларни сиз(аёл)ларчалик енга оладиганини кўрмадим», дедилар. Улардан бир аёл: «Унинг дини ва ақлининг ноқислиги нимада?» деди. У зот: «Сизлардан икки аёлнинг гувоҳлиги бир эркакнинг гувоҳлигига (тенг) бўлиши — (ақлининг ноқислигидир); динингиз ноқислиги эса — ҳайз кўриб, бирингиз уч-тўрт (кун) намоз ўқимай туришидир», дедилар. Абу Исо айтди: Бу ҳадис бу йўлдан келишида саҳиҳ ғариб ҳасандир.