Solim ibn Ubayd (roziyallohu anhu)dan rivoyat qilinadi: U bir qavm bilan safarda edi. Qavmdan bir kishi aksa urib: «Assalomu alaykum», dedi. U (Solim): «Alayka va alo ummik (senga va onangga)», dedi. Goʻyo bu kishi koʻnglida ranjigandek boʻldi. Shunda u (Solim) aytdi: «Men faqat Nabiy ﷺ aytgan narsani aytdim. Bir kishi Nabiy ﷺning oldilarida aksa urib: ‹Assalomu alaykum› dedi. Nabiy ﷺ: ‹Alayka va alo ummik. Sizlardan biringiz aksa urganda: «Alhamdulillahi rabbil-olamin» desin, unga javob beradigan kishi esa: «Yarhamukalloh» desin, u (aksa urgan) esa: «Yagʻfirullohu lano va lakum (Alloh bizni va sizlarni magʻfirat qilsin)» desin›, dedilar». Abu Iso aytdi: Bu hadisning Mansurdan rivoyat qilinishida ixtilof qilganlar, Hilol ibn Yisof bilan Solim oʻrtasiga bir kishini kiritganlar.Солим ибн Убайд (розияллоҳу анҳу)дан ривоят қилинади: У бир қавм билан сафарда эди. Қавмдан бир киши акса уриб: «Ассалому алайкум», деди. У (Солим): «Алайка ва ало уммик (сенга ва онангга)», деди. Гўё бу киши кўнглида ранжигандек бўлди. Шунда у (Солим) айтди: «Мен фақат Набий ﷺ айтган нарсани айтдим. Бир киши Набий ﷺнинг олдиларида акса уриб: ‹Ассалому алайкум› деди. Набий ﷺ: ‹Алайка ва ало уммик. Сизлардан бирингиз акса урганда: «Алҳамдулиллаҳи раббил-оламин» десин, унга жавоб берадиган киши эса: «Ярҳамукаллоҳ» десин, у (акса урган) эса: «Яғфируллоҳу лано ва лакум (Аллоҳ бизни ва сизларни мағфират қилсин)» десин›, дедилар». Абу Исо айтди: Бу ҳадиснинг Мансурдан ривоят қилинишида ихтилоф қилганлар, Ҳилол ибн Йисоф билан Солим ўртасига бир кишини киритганлар.