Ibn Abbos (roziyallohu anhumo)dan rivoyat qilinadi: Nabiy ﷺning sahobalaridan biri qabr ustiga chodirini tikdi, u uning qabr ekanini bilmasdi. Birdan chodir ichida bir kishi ‹Tabaarakallaziy biyadihil-mulk› surasini oxirigacha oʻqib turganini eshitdi. U Nabiy ﷺning oldilariga kelib: «Yo Rasululloh, men chodirimni bir qabr ustiga tikdim, uning qabr ekanini bilmagandim. Birdan chodir ichida bir kishi ‹Tabaarakal-mulk› surasini oxirigacha oʻqiyotganini eshitdim», dedi. Shunda Rasululloh ﷺ: «U (sura) toʻsuvchidir, u qutqaruvchidir, uni qabr azobidan qutqaradi», dedilar. Abu Iso aytdi: Bu hadis shu yoʻldan hasan gʻaribdir. Bu bobda Abu Hurayradan ham (rivoyat) bor.Ибн Аббос (розияллоҳу анҳумо)дан ривоят қилинади: Набий ﷺнинг саҳобаларидан бири қабр устига чодирини тикди, у унинг қабр эканини билмасди. Бирдан чодир ичида бир киши ‹Табааракаллазий биядиҳил-мулк› сурасини охиригача ўқиб турганини эшитди. У Набий ﷺнинг олдиларига келиб: «Ё Расулуллоҳ, мен чодиримни бир қабр устига тикдим, унинг қабр эканини билмагандим. Бирдан чодир ичида бир киши ‹Табааракал-мулк› сурасини охиригача ўқиётганини эшитдим», деди. Шунда Расулуллоҳ ﷺ: «У (сура) тўсувчидир, у қутқарувчидир, уни қабр азобидан қутқаради», дедилар. Абу Исо айтди: Бу ҳадис шу йўлдан ҳасан ғарибдир. Бу бобда Абу Ҳурайрадан ҳам (ривоят) бор.