Abdulloh ibn Abu Qays (rahimahulloh) — u basralik kishidir — aytadi: Men Oisha (roziyallohu anho)dan Rasululloh ﷺning vitri haqida soʻradim: «U zot vitrni qanday oʻqir edilar — kechaning avvalidami yoki oxiridami?» Shunda u: «Buning hammasini qilardilar — baʼzan kechaning avvalida vitr oʻqir, baʼzan oxirida vitr oʻqir edilar», dedi. Men: «Bu ishda kenglik qilib qoʻygan Allohga hamd boʻlsin», dedim. Soʻng: «U zotning qiroatlari qanday edi — qiroatni yashirin oʻqirmidilar yoki ovoz chiqarib?» dedim. U: «Buning hammasini qilardilar — baʼzan yashirin oʻqir, baʼzan ovoz chiqarib oʻqir edilar», dedi. Men: «Bu ishda kenglik qilib qoʻygan Allohga hamd boʻlsin», dedim. Soʻng: «Janobat (holatida) qanday qilardilar — uxlashdan oldin gʻusl qilarmidilar yoki gʻusldan oldin uxlarmidilar?» dedim. U: «Buning hammasini qilardilar — baʼzan gʻusl qilib soʻng uxlar, baʼzan tahorat qilib soʻng uxlar edilar», dedi. Men: «Bu ishda kenglik qilib qoʻygan Allohga hamd boʻlsin», dedim. Abu Iso aytdi: Bu hadis bu yoʻldan hasan gʻaribdir.Абдуллоҳ ибн Абу Қайс (раҳимаҳуллоҳ) — у басралик кишидир — айтади: Мен Оиша (розияллоҳу анҳо)дан Расулуллоҳ ﷺнинг витри ҳақида сўрадим: «У зот витрни қандай ўқир эдилар — кечанинг аввалидами ёки охиридами?» Шунда у: «Бунинг ҳаммасини қилардилар — баъзан кечанинг аввалида витр ўқир, баъзан охирида витр ўқир эдилар», деди. Мен: «Бу ишда кенглик қилиб қўйган Аллоҳга ҳамд бўлсин», дедим. Сўнг: «У зотнинг қироатлари қандай эди — қироатни яширин ўқирмидилар ёки овоз чиқариб?» дедим. У: «Бунинг ҳаммасини қилардилар — баъзан яширин ўқир, баъзан овоз чиқариб ўқир эдилар», деди. Мен: «Бу ишда кенглик қилиб қўйган Аллоҳга ҳамд бўлсин», дедим. Сўнг: «Жанобат (ҳолатида) қандай қилардилар — ухлашдан олдин ғусл қилармидилар ёки ғуслдан олдин ухлармидилар?» дедим. У: «Бунинг ҳаммасини қилардилар — баъзан ғусл қилиб сўнг ухлар, баъзан таҳорат қилиб сўнг ухлар эдилар», деди. Мен: «Бу ишда кенглик қилиб қўйган Аллоҳга ҳамд бўлсин», дедим. Абу Исо айтди: Бу ҳадис бу йўлдан ҳасан ғарибдир.