Ibn Abbos (roziyallohu anhumo) aytadi: Bir kishi: «Ey Allohning Rasuli, qaysi amal Allohga eng mahbub?» dedi. U zot: «Al-hollul-murtahil», dedilar. U: «Al-hollul-murtahil nima?» dedi. U zot: «Bu Qurʼonning boshidan oxirigacha (oʻqib) boradigan, har safar (oxiriga) yetgani zahoti yana (boshlab boshqa safarga) chiqadigan kishidir», dedilar. Abu Iso aytdi: Bu hadis gʻaribdir, biz uni Ibn Abbosning hadisi sifatida faqat shu yoʻldan bilamiz, uning isnodi kuchli emas. (Boshqa bir yoʻldan) Solih al-Murriydan, u Qatodadan, u Zuroro ibn Avfodan, u Nabiy ﷺdan maʼno jihatdan shunga oʻxshash, lekin unda Ibn Abbosni zikr qilmay rivoyat qilingan. Abu Iso aytdi: Bu menimcha Nasr ibn Aliyning Haysam ibn ar-Rabiʼdan (qilgan) hadisidan koʻra sahihroqdir.Ибн Аббос (розияллоҳу анҳумо) айтади: Бир киши: «Эй Аллоҳнинг Расули, қайси амал Аллоҳга энг маҳбуб?» деди. У зот: «Ал-ҳоллул-муртаҳил», дедилар. У: «Ал-ҳоллул-муртаҳил нима?» деди. У зот: «Бу Қуръоннинг бошидан охиригача (ўқиб) борадиган, ҳар сафар (охирига) етгани заҳоти яна (бошлаб бошқа сафарга) чиқадиган кишидир», дедилар. Абу Исо айтди: Бу ҳадис ғарибдир, биз уни Ибн Аббоснинг ҳадиси сифатида фақат шу йўлдан биламиз, унинг исноди кучли эмас. (Бошқа бир йўлдан) Солиҳ ал-Муррийдан, у Қатодадан, у Зуроро ибн Авфодан, у Набий ﷺдан маъно жиҳатдан шунга ўхшаш, лекин унда Ибн Аббосни зикр қилмай ривоят қилинган. Абу Исо айтди: Бу менимча Наср ибн Алийнинг Ҳайсам ибн ар-Рабиъдан (қилган) ҳадисидан кўра саҳиҳроқдир.