Abdulloh ibn Masʼud (roziyallohu anhu)dan rivoyat qilinadi: U aytdi: Rasululloh ﷺ: «Kim bir musulmon kishining molini nohaq olib qoʻyish uchun yolgʻon qasam ichsa, Allohga Uning gʻazabiga uchragan holda yoʻliqadi», dedilar. Shunda Ashʼas ibn Qays: «Vallohi, bu mening haqimda boʻlgan edi. Men bilan bir yahudiy oʻrtasida (bahsli) bir yer boʻlib, u (haqimni) inkor qildi. Shunda men uni Nabiy ﷺ huzuriga keltirdim. Rasululloh ﷺ menga: ‹Daliling bormi?› dedilar. Men: ‹Yoʻq›, dedim. U zot yahudiyga: ‹Qasam ich›, dedilar. Men: ‹Ey Allohning Rasuli, unda u qasam ichib, molimni olib ketadi-ku!› dedim. Shunda Alloh tabaraka va taolo: {Albatta, Allohga bergan ahdlari va qasamlarini arzon bahoga sotadiganlar} (Oli Imron 77) — oyatning oxirigacha — nozil qildi», dedi. Abu Iso aytdi: Bu hadis hasan sahihdir. Bu bobda Ibn Abu Avfodan ham (hadis) bor.Абдуллоҳ ибн Масъуд (розияллоҳу анҳу)дан ривоят қилинади: У айтди: Расулуллоҳ ﷺ: «Ким бир мусулмон кишининг молини ноҳақ олиб қўйиш учун ёлғон қасам ичса, Аллоҳга Унинг ғазабига учраган ҳолда йўлиқади», дедилар. Шунда Ашъас ибн Қайс: «Валлоҳи, бу менинг ҳақимда бўлган эди. Мен билан бир яҳудий ўртасида (баҳсли) бир ер бўлиб, у (ҳақимни) инкор қилди. Шунда мен уни Набий ﷺ ҳузурига келтирдим. Расулуллоҳ ﷺ менга: ‹Далилинг борми?› дедилар. Мен: ‹Йўқ›, дедим. У зот яҳудийга: ‹Қасам ич›, дедилар. Мен: ‹Эй Аллоҳнинг Расули, унда у қасам ичиб, молимни олиб кетади-ку!› дедим. Шунда Аллоҳ табарака ва таоло: {Албатта, Аллоҳга берган аҳдлари ва қасамларини арзон баҳога сотадиганлар} (Оли Имрон 77) — оятнинг охиригача — нозил қилди», деди. Абу Исо айтди: Бу ҳадис ҳасан саҳиҳдир. Бу бобда Ибн Абу Авфодан ҳам (ҳадис) бор.