Ibn Umar (roziyallohu anhumo)dan rivoyat qilinadi: U aytdi: Bir kishi Nabiy ﷺ oldida turib: «Ey Allohning Rasuli, (haqiqiy) hoji kim?» dedi. U zot: «Sochlari toʻzigan, (gardu chang bosib) hidi oʻzgargan kishidir», dedilar. Soʻng boshqa bir kishi turib: «Qaysi haj afzal?» dedi. U zot: «Talbiyani baland ovozda aytish va (qurbonlik) qonini oqizishdir», dedilar. Yana boshqa bir kishi turib: «‹Sabil (yoʻl)› nima, ey Allohning Rasuli?» dedi. U zot: «Ozuqa va ulovdir», dedilar. Abu Iso aytdi: Bu hadisni biz Ibn Umar hadisi (sifatida) faqat Ibrohim ibn Yazid al-Xuziy al-Makkiy hadisidangina bilamiz. Baʼzi hadis ahli Ibrohim ibn Yazid haqida uning xotirasi (yodlashi) jihatidan (tanqidiy) gapirishgan.Ибн Умар (розияллоҳу анҳумо)дан ривоят қилинади: У айтди: Бир киши Набий ﷺ олдида туриб: «Эй Аллоҳнинг Расули, (ҳақиқий) ҳожи ким?» деди. У зот: «Сочлари тўзиган, (гарду чанг босиб) ҳиди ўзгарган кишидир», дедилар. Сўнг бошқа бир киши туриб: «Қайси ҳаж афзал?» деди. У зот: «Талбияни баланд овозда айтиш ва (қурбонлик) қонини оқизишдир», дедилар. Яна бошқа бир киши туриб: «‹Сабил (йўл)› нима, эй Аллоҳнинг Расули?» деди. У зот: «Озуқа ва уловдир», дедилар. Абу Исо айтди: Бу ҳадисни биз Ибн Умар ҳадиси (сифатида) фақат Иброҳим ибн Язид ал-Хузий ал-Маккий ҳадисидангина биламиз. Баъзи ҳадис аҳли Иброҳим ибн Язид ҳақида унинг хотираси (ёдлаши) жиҳатидан (танқидий) гапиришган.