وَلَقَدْ ءَاتَيْنَـٰكَ سَبْعًا مِّنَ ٱلْمَثَانِى وَٱلْقُرْءَانَ ٱلْعَظِيمَ
Muhammad Sodiq Muhammad Yusuf: Va, batahqiq, senga yetti takrorlanuvchini va Ulug` Qur'onni berdik.Ва, батаҳқиқ, сенга етти такрорланувчини ва Улуғ Қуръонни бердик.Alauddin Mansour: Darhaqiqat, Biz sizga yetti takrorlanuvchini (yaʼni, yetti oyatdan iborat boʻlgan, har bir rakaat namozda takrorlanadigan «Fotiha» surasini) va Ulugʻ Qurʼonni ato etdik.Дарҳақиқат, Биз сизга етти такрорланувчини (яъни, етти оятдан иборат бўлган, ҳар бир ракаат намозда такрорланадиган «Фотиҳа» сурасини) ва Улуғ Қуръонни ато этдик.
Oyatdagi «yetti takrorlanuvchi»dan murod «Fotiha» surasidir. Chunki, bu surai karima yetti oyatdan iborat boʻlib, juda koʻp takrorlanadi. Namozning har rakʼatida qayta-qayta oʻqiladi.
Imom Buxoriy rivoyat qilgan hadisda Paygʻambarimiz sollallohu alayhi vasallam: «Alhamdu lillahi Robbil alamiyn–yetti takrorlanuvchidir, u menga berilgan Ulugʻ Qurʼondir», deganlar.
Alloh taolo ushbu oyatda Paygʻambarimiz sollallohu alayhi vasallamga yetti oyatdan iborat va koʻp takrorlanadigan ulugʻ «Fotiha» surasini va uni oʻz ichiga olgan Ulugʻ Qurʼonni berganligini taʼkidlab aytmoqda. Shu bilan birga, osmonlaru yer qanday haq boʻlsa, Qurʼoni Karim ham shunday haq ekaniga ishorat qilmoqda. Bu esa, ulugʻ neʼmatdir. Qurʼon neʼmati dunyodagi hamma neʼmatlardan ustun turadi. Shuning uchun: