إِنَّمَا يَفْتَرِى ٱلْكَذِبَ ٱلَّذِينَ لَا يُؤْمِنُونَ بِـَٔايَـٰتِ ٱللَّهِ ۖ وَأُو۟لَـٰٓئِكَ هُمُ ٱلْكَـٰذِبُونَ
Muhammad Sodiq Muhammad Yusuf: Yolg`onni faqat Allohning oyatlariga iymon keltirmaydiganlargina to`qirlar. Ana o`shalar o`zlari yolg`onchilardir.Ёлғонни фақат Аллоҳнинг оятларига иймон келтирмайдиганларгина тўқирлар. Ана ўшалар ўзлари ёлғончилардир.Alauddin Mansour: Yolgʻon soʻzlarni ham faqat Alloh oyatlariga iymon keltirmaydigan kimsalargina toʻqurlar. Ana oʻshalarning oʻzlari yolgʻonchidirlar.Ёлғон сўзларни ҳам фақат Аллоҳ оятларига иймон келтирмайдиган кимсаларгина тўқурлар. Ана ўшаларнинг ўзлари ёлғончидирлар.
Iymonsiz kofirlar Allohning Paygʻambarini uydirmachi, yolgʻonchi, Qurʼonni toʻqib olgan, demoqdalar. Aslida esa, yolgʻonni faqat iymonsiz kofirlargina toʻqiydilar. Chunki, kofirlarda «savob», «gunoh» degan tushuncha yoʻq. Yolgʻon gapirsa, gunoh boʻlishi, u dunyoda azoblanishi haqida eʼtiqodda boʻlmagani uchun, oʻylamasdan yolgʻon toʻqiyveradilar. Moʻminlar esa, yolgʻonni katta gunoh deb biladilar. Yolgʻon gapirish tufayli oxiratda azobga duchor boʻlishlaridan qoʻrqadilar.
Keyingi oyatlarda iymonga kelgandan soʻng yana kufrga qaytishning hukmi haqida soʻz ketadi: