وَٱصْبِرْ وَمَا صَبْرُكَ إِلَّا بِٱللَّهِ ۚ وَلَا تَحْزَنْ عَلَيْهِمْ وَلَا تَكُ فِى ضَيْقٍ مِّمَّا يَمْكُرُونَ
Muhammad Sodiq Muhammad Yusuf: Sabr qil, sening sabring faqat Alloh ila bo`lur. Ular (holi)ga xafa bo`lma. Ular qilayotgan makrdan siqilma.Сабр қил, сенинг сабринг фақат Аллоҳ ила бўлур. Улар (ҳоли)га хафа бўлма. Улар қилаётган макрдан сиқилма.Alauddin Mansour: (Ey Muhammad alayhis-salotu vas-salom, bu daʼvat yoʻlida sizga yetgan ozor-aziyatlarga) sabr-toqat qiling. Yolgʻiz Alloh yordami bilangina sabr qilishga qodir boʻlursiz. Ularning (yaʼni, mushriklarning dinga kirmaganliklari) ustida mahzun boʻlmang. Ularning makru hiylalaridan siqilmang ham!(Эй Муҳаммад алайҳис-салоту вас-салом, бу даъват йўлида сизга етган озор-азиятларга) сабр-тоқат қилинг. Ёлғиз Аллоҳ ёрдами билангина сабр қилишга қодир бўлурсиз. Уларнинг (яъни, мушрикларнинг динга кирмаганликлари) устида маҳзун бўлманг. Уларнинг макру ҳийлаларидан сиқилманг ҳам!
Yaʼni, sabr qilishda senga yordam berguvchi zot–Allohdir. Sening daʼvat yoʻlida uchraydigan mashaqqatlarga sabr-bardosh berishing faqat Alloh yordami bilan boʻladi.
«Ular(holi)ga xafa boʻlma.»
Ularning iymon keltirmay kofir, mushrik boʻlib yurishlariga, zalolatda qolib ketishlariga xafa boʻlma. Chunki, bu sening ishing emas.
«Ular qilayotgan makrdan siqilma.»
Hammasi uchun, albatta, Alloh huzurida javob berurlar. Ularning makri oʻz boshlariga balo boʻlur.