وَٱلَّذِينَ هُمْ عَلَىٰ صَلَوَٰتِهِمْ يُحَافِظُونَ
Muhammad Sodiq Muhammad Yusuf: Ular namozlarini muhofaza qilguvchilardir.Улар намозларини муҳофаза қилгувчилардир.Alauddin Mansour: Ular (barcha) namozlarini (vaqtida ado etib qazo boʻlishdan) saqlaguvchi kishilardir.Улар (барча) намозларини (вақтида адо этиб қазо бўлишдан) сақлагувчи кишилардир.
Yaʼni, ular namozlarini oʻz vaqtida, bekamu koʻst ado qiluvchilardir.
Moʻminlarning najotga erishish sifatlarining avvalida namozni xushuʼ bilan ado etish kelgan edi, endi esa, oʻsha sifatlarning oxirida namozni muhofaza qilish–oʻz vaqtida, bekamu koʻst, farz, vojib, sunnat va mustahablarini joyiga qoʻyib bajarish kelmoqda.
Bu esa, moʻmin kishi hayotida namoz naqadar ahamiyatli ekanini koʻrsatadi.
Mazkur sifatlar moʻminlarni alohida ajratib koʻrsatib turuvchi sifatlardir. Oʻsha sifatlar ularni najotga eltadi. Aslida, bu dunyoda insonning barkamol saodatga–najotga erishishi nisbiy boʻlib, chin najot–abadiy saodatga inson oxiratda erishadi. Shuning uchun, mazkur sifatlarga ega boʻlgan moʻminlar ham martabalarining haqiqiysini oxiratda oladilar.