يَوْمَئِذٍ يُوَفِّيهِمُ ٱللَّهُ دِينَهُمُ ٱلْحَقَّ وَيَعْلَمُونَ أَنَّ ٱللَّهَ هُوَ ٱلْحَقُّ ٱلْمُبِينُ
Muhammad Sodiq Muhammad Yusuf: O`sha kunda Alloh ularning haq jazolarini to`liq berur va ular Allohning O`zi ochiq haq ekanini bilurlar.Ўша кунда Аллоҳ уларнинг ҳақ жазоларини тўлиқ берур ва улар Аллоҳнинг Ўзи очиқ ҳақ эканини билурлар.Alauddin Mansour: Oʻsha kunda Alloh ularning haqiqiy jazolarini komil qilib berur va ular Allohning aniq-haq ekanini bilurlar.Ўша кунда Аллоҳ уларнинг ҳақиқий жазоларини комил қилиб берур ва улар Аллоҳнинг аниқ-ҳақ эканини билурлар.
Qiyomat kunida Alloh taolo ularga tegishli jazoni haq–adolat ila toʻla beradi. Ana oʻshanda bu dunyoda ular ishonmay yurgan Parvardigorlari:
«...Allohning Oʻzi ochiq haq ekanini bilurlar».
Imom Buxoriy, imom Muslim va imom ibn Abu Hotim Abu Hurayra roziyallohu anhudan rivoyat qilgan hadisda Rasuli Akram sollallohu alayhi vasallam:
«Yetti halok qiluvchi gunohdan chetda boʻlinglar», dedilar. Odamlar:
«Ular nimalar, ey, Allohning Rasuli?»–deb soʻradilar. Ul zot sollallohu alayhi vasallam:
«Allohga shirk keltirish; sehr; Alloh oʻldirishni harom qilgan jonni nohaq oʻldirish; riboxoʻrlik qilish; yetimning molini yeyish; urushda orqaga qochish; pokiza, gʻofila, moʻmina ayollarga tuhmat toshini otish», dedilar.
Hofiz Abul Qosim at-Tobaroniy Huzayfa roziyallohu anhudan rivoyat qilgan hadisda Rasululloh sollallohu alayhi vasallam: «Pokiza ayolga boʻhton toshi otish yuz yillik amalni buzadi», degan ekanlar.
Ifk hodisasi haqidagi oyatlarni Alloh taolo quyidagi oyat bilan yakunlaydi.