وَٱلَّذِينَ إِذَا ذُكِّرُوا۟ بِـَٔايَـٰتِ رَبِّهِمْ لَمْ يَخِرُّوا۟ عَلَيْهَا صُمًّا وَعُمْيَانًا
Muhammad Sodiq Muhammad Yusuf: Ularga Robbilarining oyatlari eslatilganda, u(oyat)larga gung va ko`rlardek tashlanmaslar.Уларга Роббиларининг оятлари эслатилганда, у(оят)ларга гунг ва кўрлардек ташланмаслар.Alauddin Mansour: Ularga Parvardigorlarining oyatlari eslatilgan vaqtida u (oyatlarga) gung va koʻr hollarida tashlanmaydilar, (balki ularni anglab-bilib amal qilurlar).Уларга Парвардигорларининг оятлари эслатилган вақтида у (оятларга) гунг ва кўр ҳолларида ташланмайдилар, (балки уларни англаб-билиб амал қилурлар).
Ushbu oyatda Rohmanning suyukli bandalari oʻzlari anglamagan narsaga butparast mushriklarga oʻxshab yopishib olmasliklari taʼkidlanmoqda. Mushriklar soxta xudolariga xuddi koʻr va karquloqdek, bilib-bilmay, koʻrib-koʻrmay, eshitib-eshitmay yopishib oladilar. Agar ular «xudo»larining nima ekanligini bilganlarida, koʻrganlarida va eshitganlarida, hech qachon ularga ibodat qilmas edilar.
Musulmonlar esa, Robbilari kalomi boʻlmish Qurʼoni Karim oyatlari ularga eslatilganda, yaxshilab eshitadilar, anglab tushunadilar va amal qilishga oʻtadilar.