فَلَمَّا جَآءَ سُلَيْمَـٰنَ قَالَ أَتُمِدُّونَنِ بِمَالٍ فَمَآ ءَاتَىٰنِۦَ ٱللَّهُ خَيْرٌ مِّمَّآ ءَاتَىٰكُم بَلْ أَنتُم بِهَدِيَّتِكُمْ تَفْرَحُونَ
Muhammad Sodiq Muhammad Yusuf: Qachonki, (elchisi) Sulaymonga kelganida, u: «Sizlar menga mol-dunyo ila madad bermoqchimisiz?! Bas, Alloh menga bergan narsa sizga bergan narsadan yaxshidir. Ammo sizlar hadyalaringiz bilan quvonursiz.Қачонки, (элчиси) Сулаймонга келганида, у: «Сизлар менга мол-дунё ила мадад бермоқчимисиз?! Бас, Аллоҳ менга берган нарса сизга берган нарсадан яхшидир. Аммо сизлар ҳадяларингиз билан қувонурсиз.Alauddin Mansour: Bas, qachonki (Bilqiysning elchilari uning yuborgan hadyasini olib) Sulaymon (huzuriga) kelgach, u dedi: «Sizlar menga mol-dunyo bilan madad bermoqchimisiz?! U holda (bilingizki, Alloh menga ato etgan (paygʻambarlik va mulku-davlat) U zot sizlarga bergan (mol-dunyodan) yaxshiroqdir. Balki sizlar hadyalaringiz bilan xursand boʻlarsizlar, (lekin mening unga ehtiyojim yoʻqdir).Бас, қачонки (Билқийснинг элчилари унинг юборган ҳадясини олиб) Сулаймон (ҳузурига) келгач, у деди: «Сизлар менга мол-дунё билан мадад бермоқчимисиз?! У ҳолда (билингизки, Аллоҳ менга ато этган (пайғамбарлик ва мулку-давлат) У зот сизларга берган (мол-дунёдан) яхшироқдир. Балки сизлар ҳадяларингиз билан хурсанд бўларсизлар, (лекин менинг унга эҳтиёжим йўқдир).
Sabaʼ malikasining elchisi hadyani olib kelib, Sulaymon alayhissalomga tutdi. Bu ish u zotga yoqmadi. Allohning yoʻliga qilgan daʼvatlarini qabul qilish oʻrniga molu dunyo bilan koʻngillarini olishga urinayotganlardan achchiqlari chiqdi. Elchiga qarab:
«Sizlar menga mol-dunyo ila madad bermoqchimisiz?!» dedilar.
Sizlarni iymon-Islomga chaqirgan odamning koʻnglini molu dunyo bilan olmoqchimisizlar?! Menga shuni ravo koʻrdingizmi?!
«Bas, Alloh menga bergan narsa sizga bergan narsadan yaxshidir.»
Sizga Alloh mol-dunyo bergan boʻlsa, menga mol-dunyoni ham, undan ming marta yaxshi paygʻambarlikni, ilmni ham bergan. Men sizlarning iymonga kelishingizni, Islomga kirishingizni talab qildim. Hadya yuborishingizni emas.
«Ammo sizlar hadyalaringiz bilan quvonursiz.»
Ushbu hadyalaringiz bilan ish bitirmoqchi boʻlasiz. Sizning fikringizdagi hayotning oʻlchovi shu.
«(Ey elchi!) Sen ularga qaytib bor.»
Sen menga hadya yuborganlarning oldiga qaytib bor va ularga aytib qoʻy, agar musulmon boʻlib kelmasalar:
«Bas, albatta, biz ular bas kela olmaydigan qoʻshin ila borurmiz va u yerdan ularni xoru zor hollarida chiqarurmiz», dedi».
Elchi qaytib borib, boʻlgan voqeani aytdi.
Soʻngra Sulaymon alayhissalom Sabaʼ malikasi odamlari bilan kelayotganidan xabardor boʻldilar va askarlarini toʻplab, soʻz boshladilar: