أَوَلَمْ يَرَوْا۟ أَنَّ ٱللَّهَ يَبْسُطُ ٱلرِّزْقَ لِمَن يَشَآءُ وَيَقْدِرُ ۚ إِنَّ فِى ذَٰلِكَ لَـَٔايَـٰتٍ لِّقَوْمٍ يُؤْمِنُونَ
Muhammad Sodiq Muhammad Yusuf: Ular Alloh O`zi xohlagan kishisiga rizqni keng yoki tor qilishini bilmaslarmi? Albatta, bunda iymon keltiradigan qavm uchun oyat-belgilar bordir.Улар Аллоҳ Ўзи хоҳлаган кишисига ризқни кенг ёки тор қилишини билмасларми? Албатта, бунда иймон келтирадиган қавм учун оят-белгилар бордир.Alauddin Mansour: Axir ular Alloh Oʻzi xohlagan kishining rizqini keng qilishini va (Oʻzi xohlagan kishining rizqini) tang qilishini bilmadilarmi?! Albatta bunda iymon keltiradigan qavm uchun oyat-ibratlar bordir.Ахир улар Аллоҳ Ўзи хоҳлаган кишининг ризқини кенг қилишини ва (Ўзи хоҳлаган кишининг ризқини) танг қилишини билмадиларми?! Албатта бунда иймон келтирадиган қавм учун оят-ибратлар бордир.
Axir, bu dunyoda har bir narsa Alloh taoloning irodasi va xohishi bilan boʻladi-ku?! Alloh taolo xohlagan kishisining rizqini koʻp, xohlagan kishisining rizqini oz qilishi ham maʼlum va mashhurdir!
«Albatta, bunda iymon keltiradigan qavm uchun oyat-belgilar bordir.»
Iymonsizlar bu holni tushunib yetishlari qiyin. Dunyodagi hamma ish Alloh taoloning xohishi ila boʻlganidan keyin, rizq beradigan Uning Oʻzi boʻlganidan keyin, molu dunyoni koʻpaytirish va qanday sarflash yoʻlini ham Uning Oʻzi koʻrsatib beradi. Kelasi oyatlarda ana shu haqda soʻz yuritiladi: