قُلْ مَآ أَسْـَٔلُكُمْ عَلَيْهِ مِنْ أَجْرٍ وَمَآ أَنَا۠ مِنَ ٱلْمُتَكَلِّفِينَ
Muhammad Sodiq Muhammad Yusuf: Sen: «Men uning uchun sizdan hech ajr, haq so`ramasman. Men soxtakorlardan ham emasman.Сен: «Мен унинг учун сиздан ҳеч ажр, ҳақ сўрамасман. Мен сохтакорлардан ҳам эмасман.Alauddin Mansour: (Ey Muhammad alayhis-salotu vas-salom, ularga) ayting: «Men (Qurʼonni yetkazganim uchun) sizlardan biron ajr-haq soʻramayman va men soxtakorlardan (yaʼni, yolgʻondan paygʻambarlikni daʼvo qilguvchi kimsalardan) ham emasman.(Эй Муҳаммад алайҳис-салоту вас-салом, уларга) айтинг: «Мен (Қуръонни етказганим учун) сизлардан бирон ажр-ҳақ сўрамайман ва мен сохтакорлардан (яъни, ёлғондан пайғамбарликни даъво қилгувчи кимсалардан) ҳам эмасман.
Ey, kofirlar, ey, mushriklar, men Qurʼonni yetkazganim uchun sizdan haq soʻramayman. Men Qurʼonga daʼvat qilish bilan oʻz manfaatimni koʻzlayotganim yoʻq.
«Men soxtakorlardan ham emasman.»
Men oʻzida yoʻq narsani bor deb daʼvo qiladigan, oʻzida yoʻq xislatni bor qilib koʻrsatishga intiladigan kimsalardan ham emasman. Men haqiqiy Paygʻambarman.
«U(Qurʼon) faqat olamlar uchun eslatma, xolos.»
U, siz daʼvo qilayotganingizdek, sehr ham, sheʼr ham emas. U, odamlar uchun, olamlar uchun eslatmadir. U, faqat odamlar uchun emas, balki biz bilgan va bilmagan barcha olamlar uchun (masalan, jinlar olami uchun) ham esalatmadir. U, olamlarga iymonni, ixlosni, ibodatni, jannatni eslatadi. U, olamlarga kufrni, isyonni, nifoqni, doʻzaxni eslatadi. U, olamlarni vaʼz-nasihat yoʻli bilan yaxshilikka chaqirib, yomonlikdan qaytaradi. Bas, bu ulkan haqiqatni barchangiz esingizda saqlang.
«Albatta, uning xabarini bir muddatdan soʻng bilursiz», deb ayt.»
Bir oz muddat oʻtsin, Qurʼonning xabarini bilib olasiz. Uning xabari butun olamni oladi. Uning xabari hammaning ogʻzidan tushmay qoladi. Uning xabari oldida boshqa xabarlar hech narsa boʻlmay qoladi.
Shuningdek, u keltirgan barcha xabar toʻgʻri boʻlib chiqadi, buni ham koʻrasiz.