Iymonsiz, dinsiz va Allohning yoʻlidan yuz oʻgirgan hamda odamlarni bu yoʻldan toʻsgan shaxslarning barcha amallarini, xatti- harakatlarini Alloh taoloning Oʻzi botil qiladi, yaʼni, yoʻqqa chiqaradi yoki besamar qilib qoʻyadi. Kofirlar va dinsizlar Allohning diniga qarshi qancha harakat qilishmasin, harakatlari, baribir, bekorga ketadi. Alloh taolo Islomni qiyomat kunigacha himoya qilishni Oʻz zimmasiga olgan, dunyoda qanchadan-qancha kuchli, qudratli, imkoniyatli, makr-hiylalilar Islomga qarshi urishdilar. Ammo birin-ketin hammasining amallari botil boʻlib, oʻzlari esa, xor boʻldilar. Inshoalloh, bundan keyin ham shunday boʻlishi muqarrar. Zotan, Alloh taolo vaʼdasiga hech xilof qilmaydi.

Iymonsizlarning qilgan yaxshiliklari ham ajr-savobsiz boʻladi. Alloh ularning bu amallarini ham botil qiladi. Aqlni ishlatib koʻradigan boʻlsak, xayru ehson qiladigan inson ajru savobni koʻzlaydi. Ajru savobni esa faqat Alloh taolo beradi. Ajru savobdan umidvor inson Allohga ishonmasa, kofir boʻlsa, Alloh unga nega savob ato etadi. Axir, har bir ish niyatga qarab eʼtiborga olinadi.

Kufr keltirgan va Allohning yoʻlidan toʻsganlarning oqibati bundoq boʻlsa,