ذَٰلِكَ مَبْلَغُهُم مِّنَ ٱلْعِلْمِ ۚ إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِۦ وَهُوَ أَعْلَمُ بِمَنِ ٱهْتَدَىٰ
Muhammad Sodiq Muhammad Yusuf: Ularning erishgan ilmlari mana shu. Albatta, Robbing Uning yo`lidan adashganlarni bilguvchidir va U hidoyatdagilarni ham bilguvchidir.Уларнинг эришган илмлари мана шу. Албатта, Роббинг Унинг йўлидан адашганларни билгувчидир ва У ҳидоятдагиларни ҳам билгувчидир.Alauddin Mansour: Ularning «ilm»dan yetgan joylari mana shu (hayoti dunyo matolarinigina istash)dir. Albatta Parvardigoringizning Oʻzi Uning yoʻlidan ozgan kimsalarni juda yaxshi bilguvchidir va U hidoyat topgan zotlarni ham juda yaxshi bilguvchidir.Уларнинг «илм»дан етган жойлари мана шу (ҳаёти дунё матоларинигина исташ)дир. Албатта Парвардигорингизнинг Ўзи Унинг йўлидан озган кимсаларни жуда яхши билгувчидир ва У ҳидоят топган зотларни ҳам жуда яхши билгувчидир.
Yaʼni, dinsizlarning erishgan ilmlari hayoti dunyoga hirs qoʻyish xolos, boshqa narsani bilmaydilar. Ha,
«Ularning erishgan ilmlari mana shu».
Kim adashyapti-yu, kim toʻgʻri yoʻlda yurganini Alloh taolo Oʻzi bilib turibdi.
«Albatta, Robbing Uning yoʻlidan adashganlarni bilguvchidir va U hidoyatdagilarni ham bilguvchidir.»
Shuning uchun, oʻzni koʻp qiynamaslik kerak. Yaxshilar yaxshiligiga yarasha mukofotini oladi, yomonlar qilmishiga yarasha jazosini oladi. Bu ishni osmonlaru yerdagi barcha narsalarning egasi Alloh taolo amalga oshiradi.