تُؤْمِنُونَ بِٱللَّهِ وَرَسُولِهِۦ وَتُجَـٰهِدُونَ فِى سَبِيلِ ٱللَّهِ بِأَمْوَٰلِكُمْ وَأَنفُسِكُمْ ۚ ذَٰلِكُمْ خَيْرٌ لَّكُمْ إِن كُنتُمْ تَعْلَمُونَ
Muhammad Sodiq Muhammad Yusuf: Allohga va Uning Rasuliga iymon keltirasizlar hamda Uning yo`lida molingiz va joningiz bilan jihod qilasizlar. Shundoq qilmoqlaringiz, agar bilsangizlar, o`zlaringiz uchun yaxshidir.Аллоҳга ва Унинг Расулига иймон келтирасизлар ҳамда Унинг йўлида молингиз ва жонингиз билан жиҳод қиласизлар. Шундоқ қилмоқларингиз, агар билсангизлар, ўзларингиз учун яхшидир.Alauddin Mansour: (Oʻsha «tijorat» mana budir) — Alloh va Uning paygʻambariga iymon keltirursizlar va Alloh yoʻlida mol va jonlaringiz bilan jihod qilursizlar. Mana shu agar bilsangizlar oʻzlaringiz uchun eng yaxshi (ish)dir.(Ўша «тижорат» мана будир) — Аллоҳ ва Унинг пайғамбарига иймон келтирурсизлар ва Аллоҳ йўлида мол ва жонларингиз билан жиҳод қилурсизлар. Мана шу агар билсангизлар ўзларингиз учун энг яхши (иш)дир.
Allohga iymon keltirish hayotda Uning yoʻrigʻi–Qurʼoni Karim taʼlimoti asosida yashashni taqozo qiladi. Allohning Rasuli Muhammad alayhissalomga iymon keltirish esa, hayotda u kishidan oʻrnak olib, sunnatlariga amal qilib yashashimizni talab etadi. Shartlardan eng muhimi–Alloh yoʻlida molu jonni tikib jihod qilishdir.
«Jihod» soʻzi jamiyki imkoniyatni ishga solish maʼnosini anglatadi. Shundan kelib chiqadigan boʻlsak, musulmon odam najotga erishmoqchi boʻlsa, oʻzining barcha kuch-quvvati, aql-zakovati va moddiy imkoniyatlarini Alloh yoʻlida, Uning dini uchun sarflashi kerak. Jihod ruhining yoʻqolishi kishilarni hoyi-havasga, oʻtkinchi hayot lazzatlariga berilib ketishlarga, maʼnaviy buzilishlarga olib keladi. Natijada, jamiyat tubanlikka yuz tutadi. Oyatda iymon va jihodning «tijorat» deb nomlanishiga sabab shuki, arablar oʻsha vaqtlarda eng koʻp foyda keltiradigan soha tijorat deb hisoblashardi. Mazkur tijoratning tez keladigan foydalari bor va keyin keladigan foydalari bor.
Keyin keladigan foydalari haqiqiy va afzal boʻlgani uchun kelgusi oyatda avval oʻshalar zikr qilinmoqda.
Ana shunda Alloh taolo