Yaʼni, borliqdagi har bir narsa Allohning xohishi bilan boʻladi. Biz ojiz bandalar Allohning xohishi nimaga ketganini bila olmaymiz. Aynan bizga Alloh taolo nimani iroda qilganini ham bilmaymiz. Lekin Alloh taolo bizdan nimani xohlashini yaxshi bilamiz.

Buyurganlariga itoat qilib, qaytarganlaridan qaytmogʻimiz lozim.

Alloh taqvoga ahldir. Yaʼni taqvodorlarning gunohlarini kechiruvchi zotdir.

Imom Ahmad ibn Hanbal va imom Termiziy Anas ibn Molik roziyallohu anhudan rivoyat qilgan hadisda «Rasululloh sollallohu alayhi vasallam ushbu «U zot taqvo ahlidir va magʻfirat ahlidir», oyatini qiroat qildilar va «Robbingiz, «Men taqvo qilinishimga ahlman. Bas, kim Menga taqvo qilsa, Men bilan birga boshqa iloh qilmaydi. Bas, Men uni magʻfirat qilishga ahlman», dedi», dedilar».