Bugʻning bulutga aylanishi va undan yomgʻir yogʻish jarayoni ham Alloh taoloning qudratini bandalarga eslatib turuvchi narsalardan biridir. Bu jarayonni ilmiy ravishda diqqat bilan oʻrganuvchilar Alloh taoloning cheksiz qudratiga tan beradilar. Bu haqiqatni, ayniqsa, yomgʻir yogʻishiga bogʻliq hayot kechiradigan oʻlkalar aholisi yana ham yaxshi tushunadi. Ushbu jarayonni–bulutlardan xoh yomgʻir, xoh qor orqali suv tushirishni Alloh taolodan boshqa kim ham qila olardi? Hech kim qila olmaydi. Xoʻsh, osmondan suv tushirib butun olamni, butun mavjudotlarni tiriltirgan Zot oʻliklarni tiriltira olmasmidi? Albatta, tiriltira oladi. Oxiratda ham bir yomgʻir yogʻadi, oʻshanda oʻliklar oʻzlari chirib ketgan boʻlsa ham, orqa umurtqa ichida joylashgan, hech narsadan taʼsirlanmaydigan «ajbuz zanab» nomli urugʻlikdan odamlar unib chiqadilar. Xoʻsh, Alloh taolo yomgʻirni nima uchun yogʻdiradi? Javob keyingi oyatlarda: