Bu shuʼla taratuvchi chiroqdan murod Quyosh boʻlib, u doimo koʻzga koʻrinib, Alloh taoloning cheksiz qudratini eslatib turadi. Ushbu oyatda Alloh taolo Quyoshni shuʼla sochib turgan chiroqqa oʻxshatmoqda. Odatda, moy, spirt yoki gaz ila yonadigan chiroqlar oʻt ila shuʼla taratadi. Yangi ilmiy oʻrganishlar Quyosh yonib turuvchi gazlar toʻplami ekanini isbot qildi. Quyosh oʻzidagi issiqlik quvvatini oʻz ichidagi portlash va toʻqnashuvlardan olar ekan. Bu bilan ilm yana bitta qurʼoniy haqiqatni taʼkidladi.

Shunchalar ulkan hajmga, issiqlik va boshqa quvvatlarga ega Quyoshni yaratib, uni kerakli joyga oʻrnatib, oʻzidan issiqlik, yorugʻlik, shuʼla taratib turuvchi qilib qoʻygan Alloh taolo oʻliklarni qayta tiriltira olmas edimi, ularni soʻroq-savol qila olmas edimi, jazolay olmas edimi? Albatta, qila oladi bu ishlarni!