Arab tili qoidasiga binoan bir «aliflom»i bor soʻz (al-usru) ikki marta takrorlansa, bir narsani ifoda etar ekan. Ammo «aliflom»i yoʻq soʻz (yusron) ikki marta takror boʻlsa, alohida ikki narsani ifoda etar ekan.

Shu qoidadan kelib chiqib, yuqoridagi ikki oyatning umumiy maʼnosi: «Bir qiyinchilikdan soʻng ikki osonchilik bor»,–degani boʻladi. Bu maʼnoda koʻpgina hadisi shariflar ham bor. Bularning hammasi moʻmin kishini sabrli, qanoatli boʻlishga chaqiradi. Qiyinchilik paytida oʻzini yoʻqotib qoʻymaslikka, balki sabr bilan harakat qilishga va Alloh taolodan yengillik kutishga undaydi.

Alloh taolo yuqoridagi oyatlarda Oʻz Paygʻambariga bergan neʼmatlarini eslatib boʻlib, endi shukr etishga, ibodat uchun harakat qilishga va faqat Alloh taoloning Oʻziga ragʻbat qilishga undaydi.