Bu mevalarning manfaati ulugʻ boʻlgani uchun, Alloh taolo ular bilan qasam ichmoqda.

Bu oyati karimaning ikkinchi taʼviyliga binoan, anjir va zaytun ila qasam ichishdan murod, oʻsha mevalar koʻp oʻsadigan makon–Baytul Maqdis ila qasam ichishdir. Chunki, keyingi oyatlarda Paygʻambarlarga vahiy nozil boʻlgan Turi Siyno va Makkai Mukarrama kabi joylar ila qasam ichilmoqda. Shuning uchun, bu oyatlarda ham anjir va zaytun bilan emas, ular koʻp oʻsadigan yer–Baytul Maqdis bilan qasam ichilmoqda. Chunki, u joy ham Paygʻambarlarga vahiy tushgan joydir.