Urva ibn al-Mugʻiyra otasidan rivoyat qiladi: Biz Rasululloh ﷺ bilan birga (bir) karvonda edik, mening yonimda bir suv idishi (mesh) bor edi. U zot hojat chiqargani chiqdilar, soʻng qaytib keldilar; men u zotni suv idishi bilan qarshi olib, (qoʻllariga) quydim. U zot kaflarini va yuzlarini yuvdilar; soʻng bilaklarini chiqarmoqchi boʻldilar — egnilarida Rum jubbalaridan boʻlgan, yenglari tor, jundan (yasalgan) jubba bor edi — (yeng) tor (kelgani uchun) qoʻllarini (jubbaning) tagidan chiqardilar. Soʻng men maxsilarini yechmoqchi boʻlib (egilgan edim), u zot menga: «Maxsilarni qoʻyaver — chunki men oyoqlarimni ularga pok holatda kiritganman», — dedilar va ular ustiga mash tortdilar. (Yunus) otasidan, u Shaʼbiydan (rivoyat qildi): «Urva menga otasidan guvohlik berdi, otasi esa Rasululloh ﷺ dan guvohlik berdi (yaʼni bevosita eshitgan)».Урва ибн ал-Муғийра отасидан ривоят қилади: Биз Расулуллоҳ ﷺ билан бирга (бир) карвонда эдик, менинг ёнимда бир сув идиши (меш) бор эди. У зот ҳожат чиқаргани чиқдилар, сўнг қайтиб келдилар; мен у зотни сув идиши билан қарши олиб, (қўлларига) қуйдим. У зот кафларини ва юзларини ювдилар; сўнг билакларини чиқармоқчи бўлдилар — эгниларида Рум жуббаларидан бўлган, енглари тор, жундан (ясалган) жубба бор эди — (енг) тор (келгани учун) қўлларини (жуббанинг) тагидан чиқардилар. Сўнг мен махсиларини ечмоқчи бўлиб (эгилган эдим), у зот менга: «Махсиларни қўявер — чунки мен оёқларимни уларга пок ҳолатда киритганман», — дедилар ва улар устига маш тортдилар. (Юнус) отасидан, у Шаъбийдан (ривоят қилди): «Урва менга отасидан гувоҳлик берди, отаси эса Расулуллоҳ ﷺ дан гувоҳлик берди (яъни бевосита эшитган)».