Abdurrahmon ibn Abu Yaʼmar ad-Diyliy (rahimahulloh)dan rivoyat qilinadi: Men Nabiy ﷺ huzurlariga, u zot Arafotda turgan paytlarida keldim. Shunda Najd ahlidan bir necha kishi kelib, bir kishiga (savol berishni) buyurdilar. U Rasululloh ﷺ ni chaqirib: «Haj qanday boʻladi?» dedi. Rasululloh ﷺ bir kishiga buyurdilar, u baland ovoz bilan jar soldi: «Haj — haj Arafa kunidir. Kim Jamʼ (Muzdalifa) kechasida bomdod namozidan oldin (Arafaga) yetib kelsa, uning haji toʻliq boʻladi. Mino kunlari uchtadir. Bas, kim ikki kunda shoshilib (ketsa), unga gunoh yoʻq, kim kechiksa ham, unga gunoh yoʻq». Roviy aytdi: Soʻng u zot bir kishini orqalariga mindirdilar, u ham buni jar sola boshladi. Abu Dovud aytdi: Mihron ham Sufyondan shunday rivoyat qilib, «Haj — haj» deb ikki marta aytgan. Yahyo ibn Said al-Qatton esa Sufyondan «Haj» deb bir marta rivoyat qilgan.Абдурраҳмон ибн Абу Яъмар ад-Дийлий (раҳимаҳуллоҳ)дан ривоят қилинади: Мен Набий ﷺ ҳузурларига, у зот Арафотда турган пайтларида келдим. Шунда Нажд аҳлидан бир неча киши келиб, бир кишига (савол беришни) буюрдилар. У Расулуллоҳ ﷺ ни чақириб: «Ҳаж қандай бўлади?» деди. Расулуллоҳ ﷺ бир кишига буюрдилар, у баланд овоз билан жар солди: «Ҳаж — ҳаж Арафа кунидир. Ким Жамъ (Муздалифа) кечасида бомдод намозидан олдин (Арафага) етиб келса, унинг ҳажи тўлиқ бўлади. Мино кунлари учтадир. Бас, ким икки кунда шошилиб (кетса), унга гуноҳ йўқ, ким кечикса ҳам, унга гуноҳ йўқ». Ровий айтди: Сўнг у зот бир кишини орқаларига миндирдилар, у ҳам буни жар сола бошлади. Абу Довуд айтди: Миҳрон ҳам Суфёндан шундай ривоят қилиб, «Ҳаж — ҳаж» деб икки марта айтган. Яҳё ибн Саид ал-Қаттон эса Суфёндан «Ҳаж» деб бир марта ривоят қилган.