Bakr ibn Abdulloh (rahimahulloh)dan rivoyat qilinadi: Bir kishi Ibn Abbosga (roziyallohu anhumo): «Bu Uy (Kaʼba) ahlining ahvoli qanday? Ular (hojilarga) nabiz ichirar ekanlar, amakivachchalari esa sut, asal va saviq ichirar ekanlar. Bu ularning baxilliklaridanmi yoki ehtiyojlaridanmi?» dedi. Ibn Abbos (roziyallohu anhumo): «Bizda baxillik ham yoʻq, ehtiyoj ham yoʻq. Lekin Rasululloh ﷺ oʻz ulovlarida, orqalarida Usoma ibn Zayd bilan (huzurimizga) kirib keldilar. Rasululloh ﷺ ichimlik soʻradilar, u zotga nabiz keltirildi, undan ichdilar va qoldigʻini Usoma ibn Zaydga berdilar, u ham undan ichdi. Soʻng Rasululloh ﷺ: ‹Yaxshi va goʻzal ish qildingiz, mana shunday qilavering›, dedilar. Mana, biz ham shundaymiz, Rasululloh ﷺ aytgan narsani oʻzgartirishni istamaymiz», dedi.Бакр ибн Абдуллоҳ (раҳимаҳуллоҳ)дан ривоят қилинади: Бир киши Ибн Аббосга (розияллоҳу анҳумо): «Бу Уй (Каъба) аҳлининг аҳволи қандай? Улар (ҳожиларга) набиз ичирар эканлар, амакиваччалари эса сут, асал ва савиқ ичирар эканлар. Бу уларнинг бахилликлариданми ёки эҳтиёжлариданми?» деди. Ибн Аббос (розияллоҳу анҳумо): «Бизда бахиллик ҳам йўқ, эҳтиёж ҳам йўқ. Лекин Расулуллоҳ ﷺ ўз уловларида, орқаларида Усома ибн Зайд билан (ҳузуримизга) кириб келдилар. Расулуллоҳ ﷺ ичимлик сўрадилар, у зотга набиз келтирилди, ундан ичдилар ва қолдиғини Усома ибн Зайдга бердилар, у ҳам ундан ичди. Сўнг Расулуллоҳ ﷺ: ‹Яхши ва гўзал иш қилдингиз, мана шундай қилаверинг›, дедилар. Мана, биз ҳам шундаймиз, Расулуллоҳ ﷺ айтган нарсани ўзгартиришни истамаймиз», деди.