Alqama aytadi: «Men Mino (vodiy)sida Abdulloh ibn Masʼud bilan birga ketayotgan edim, shu payt unga Usmon (roziyallohu anhu) duch keldi va u bilan xilvatda gaplashmoqchi boʻldi. Abdulloh u zotning biror hojati yoʻqligini koʻrgach, menga: ‹Bu yoqqa kel, ey Alqama!› dedi. Men keldim. Usmon (roziyallohu anhu) unga: ‹Ey Abu Abdurrahmon, senga bokira bir qizni nikohlab qoʻymaylikmi? Balki bu bilan oʻzingda avval boʻlgan (kuch-quvvating) qaytib kelar›, dedi. Abdulloh (ibn Masʼud) (roziyallohu anhu): ‹Mana shuni aytsang, men Rasululloh ﷺ ning shunday deganlarini eshitganman›, dedi: ‹Sizlardan kimning (uylanishga) qurbi yetsa, uylansin. Chunki bu koʻzni (haromdan) yaxshiroq tiyadi va avratni (zinodan) yaxshiroq saqlaydi. Sizlardan kimning qurbi yetmasa, roʻza tutishi lozim. Chunki bu unga (shahvatni qaytaruvchi) toʻsiqdir›.»Алқама айтади: «Мен Мино (водий)сида Абдуллоҳ ибн Масъуд билан бирга кетаётган эдим, шу пайт унга Усмон (розияллоҳу анҳу) дуч келди ва у билан хилватда гаплашмоқчи бўлди. Абдуллоҳ у зотнинг бирор ҳожати йўқлигини кўргач, менга: ‹Бу ёққа кел, эй Алқама!› деди. Мен келдим. Усмон (розияллоҳу анҳу) унга: ‹Эй Абу Абдурраҳмон, сенга бокира бир қизни никоҳлаб қўймайликми? Балки бу билан ўзингда аввал бўлган (куч-қувватинг) қайтиб келар›, деди. Абдуллоҳ (ибн Масъуд) (розияллоҳу анҳу): ‹Мана шуни айтсанг, мен Расулуллоҳ ﷺ нинг шундай деганларини эшитганман›, деди: ‹Сизлардан кимнинг (уйланишга) қурби етса, уйлансин. Чунки бу кўзни (ҳаромдан) яхшироқ тияди ва авратни (зинодан) яхшироқ сақлайди. Сизлардан кимнинг қурби етмаса, рўза тутиши лозим. Чунки бу унга (шаҳватни қайтарувчи) тўсиқдир›.»